Dore umwari nyawe ukwiriye kwambikwa impeta y’akaramata

Hari ibintu byinshi cyane umuwari agomba kumenya mbere yo kwinjira mu rukundo n’umusore yumva ko yazamubera ise w’abana be. Abasore bose burya bagira umuco wo kugira ibintu runaka bagenderaho bagenzura umwari bashobora kwambika impeta y’ubutazatandukana mu gihe babonye yujuje ibyo bifuza byose.

Ntibizagutangaze cyane kubona umusore n’umukobwa bamaranye igihe kinini bakundanye nyamara nyuma bikarangira umusore ahisemo undi mukobwa babana. Ibi birashoboka cyane kuko burya mu mibanire y’abakundana igihe cyose bamarana baba bigana mu mico no mu myifatire kandi buri wese mu buryo bwa bucece.

Birashoboka kandi ko burya mu rukundo umwari ashobora kwisanga afite bimwe mu bishobora gushimisha umusore gusa nyamara ariko atari byo by’ingenzi umusore yamwifuzagaho kugira ngo bazabana akaramata.

Ibi ni bimwe mu bintu by’ingenzi bishobora gutuma umwari runaka yambikwa impeta y’akaramata n’umukunzi we nkuko Ghafla dukesha iyi nkuru babyanditse:

1. Burya abasore bose bifuza umwari uzi kubana neza n’abandi kandi yubaha abakuru n’abato by’umwihariko atibagiwe umuryango w’umusore wamwambitse impeta. Ubusanzwe burya abasore/abagabo bakunda cyane umubyeyi wabo w’igitsinagore, kugira ngo rero umukobwa ashobore gusigasira urukundo rwe n’uwo bashakanye, bisaba kumwubahira ababyeyi ndetse n’inshuti muri rusange.

Fata umwanya wo kwita kuri mama we utamubuza kumusura, igihe agize ikibazo, mwumve mbese wubake ubushuti budasanzwe hagati yawe nawe cyane cyane mu gihe mutuye kure y’ababyeyi be.

2. Kimwe n’undi muntu wese, by’umwihariko burya muri kamere y’abasore/abagabo, bikundira cyane kubahwa. Niba uri umukobwa wiyubaha ndetse ukubaha n’umukunzi wawe mu buryo bwose bushoboka, bizatuma yumva agukeneye cyane mu buzima bwe bitume aterwa ishema no kwambikana impata nawe.

Aha bisaba umwari uzi gutega amatwi umukunzi we akamuha umwanya kandi akamugira inama zifatika bikoranywe kumwubaha. Umwari agomba gukora ibishoboka byose kugira ngo yereke umusore w’inshuti ye ko amwubaha.

Kubaha umuntu ntibivuze kumutinya kandi burya kumvira ndetse no kwicisha bugufi ni ingenzi cyane mu rukundo by’umwihariko rw’abifuza kubana.

Icyakora si umusore gusa usabwa ibi kuko bisanzwe bizwi ko kuva isi yaremwa umugore nawe ari umutima w’urugo, bityo nawe akeneye kwitabwaho mu buryo bwose bushoboka.

3. Abasore ntibakunda umwari ushaka kwigaragaza uko atari yisiga cyane by’umwihariko agamije kwihindura uruhu karemano. Ubwiza bw’umwimererwe ni ingenzi cyane ku mwari nubwo ab’iki gihe bamwe batabikozwa cyane ko burya nibwo bugaragaza ubwiza waremanywe nyirizina butavangiye.

Uretse no kuba kwisiga cyane bishobora guhindura imimerere karemano y’umwari, burya binangiza uruhu ibintu bigira ingaruka cyane cyane nko mu gihe habayeho kubyara umugore abazwe (bigorana mu gihe cyo kumudoda).

Aha umwari asabwa guharanira ubwiza bwe karemano kuko burya nibwo bugaragaza nyirizina uwo ari we. Nubwo muri iyi minsi ari ibintu bigoranye ku bakobwa bamwe na bamwe ariko burya niko byakagenze kuko abasore bose badakunda abari bihinduye uruhu.

Birashoboka ko nawe hari indi nama wagira umwari ubereye u Rwanda kugira ngo dukomeze kubaka umuryango nyarwanda uzira amakemwa, yisangize inshuti zawe wandika hasi ahabugenewe.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo