Dore uburyo wakorana imibonano mpuzabitsina n’umugore wawe mu gihe atwite ntibitere ikibazo

Nkuko tubikesha urubuga 7 sur 7, abahanga mu by’ubuzima bavuga ko burya mu gihe umugore n’umugabo bari mu gihe cyo kwitegura kwakira umwana wabo, bitavuze ko badashobora kwishimana mu mabanga y’abashakanye batera akabariro. Ibi bituma hari abagabo bamwe na bamwe babyibeshyaho bavuga ko bidashoboka ugasanga bahisemo guca inyuma abagore babo nyamara bishoboka cyane ko bishimana nabo ndetse ntibigire icyo bibatwara.

Hari ababyeyi benshi ukunze gusanga bahagarika imibonano mpuzabitsina by’umwihariko mu gihe umugore atwite, aho baba bavuga ko ngo banga guhutaza umwana uri mu nda. Mu bihe nk’ ibi ndetse bamwe mu bagabo ntibatinya guca inyuma abo bashakanye ngo bajye gutera akabariro ahandi, kuko ngo baba babikumbuye.

Babyeyi rero niba muri mu bihe nk’ ibi, mwihagarika ubuzima musanzwe mubayeho, ahubwo gusa mube maso ku bijyanye no kongera isuku, haba ku ruhande rw’ umugore ndetse n’ urw’ umugabo, kuko mu gihe cy’ imibonano mpuzabitsina, hashobora kugira imyanda yinjira, ikaba yahungabanya ubuzima bw’ ikibondo mutegereje.

Nkuko urubuga 7sur7 dukesha iyi nkuru rukomeza rubivuga, ngo aakenshi ababyeyi b’ abagore batinya kuba baganira n’ abaganga babakurikirana ku bijyanye n’ ubuzima bw’ imyororokere, ibi akaba ari nabyo ntandaro y’ ubujiji bukunze kuranga benshi mu babyeyi.

Abahanga bavuga ko bibujijwe gusa ku mugore utwite impanga

Abahanga mu by’ ubuzima bw’ umwana mu nda bemeza ko mu gihe umubyeyi atwite impanga zaba ari nyazo cyangwa izitandukanye (Vrais Jumeaux/Faux Jumeaux), ibyiza ari uko yakwirinda imibonano mpuzabitsina mu rwego rwo guharanira ko abana be batavuka mbere y’ igihe cyabugenewe (amezi 9).

Icyaba kiza ni uko umuntu yaba abihagaritse akazongera kugira icyo akora nyuma y’ igihe kitari munsi y’ ukwezi kumwe umubyeyi abyaye.

Doctissimo, ni urubuga rwanditse ruvuga ko abashakashatsi batandukanye bagiye bashyira hanze inyigo zirenga 60 zose ziza zihurira ku kintu kimwe cy’ uko umugore utwite agomba gukora imibonano mpuzabitsina agendeye ku nama n’ imyitwarire aba yabanje guhabwa na muganga ariko ko gukora imibonano mpuzabitsina mu gihe nk’ iki ko bitabujijwe burundu

Icyakora abagore bose ntibagira imyitwarire imwe mu gihe batwite dore ko hari bamwe baba bumva nta bushake bwo gukora imibonano mpuzabitsina mu gihe hari ababa bumva babikora buri kanya, rimwe na rimwe hari abo usanga baribwa n’ amabere cyangwa bananiwe cyane banatonekara umubiri wose icyo gihe aba yumva nta mugabo wamukoraho.

Gusa na none bakongera bakavuga ko mu gihembwe cya mbere abagore baba bafite isesemi, umunaniro ukabije, uburibwe mu mabere n’ ibindi ariko iyo bigeze mu gihembwe cya kabiri ugasanga ibyo bisa nk’ ibyagabanutse ahubwo ubushake bwo gukora imibonano (libodo) bwariyongereye, kuburyo aha biba bisaba ko ayikora abanje kubonana na muganga.

Alice UMWALI/Umubavu.com



Tanga igitekerezo kuri iyi nkuru



Igitekerezo
bosco Kuya 27-11-2017

wowe wanditse iyi nkuru usubire kwishuri !

kuko sinzi niba ibyo wanditse ubizi, title y’inkuru yawe ntaho ihuriye na contents.

vraiment muba muduca intege