Dore imitoma nyayo ikwiye kwifashishwa mu gihe cyo gutera akabariro

Igikorwa cyo gutera akabariro ni ingingo ikunze kugarukwaho kenshi by’umwihariko ku bashakanye cyane ko abenshi badatinya kuvuga ko burya ariyo nkingi ya mwamba mu kubaka urugo ruzira umwiryane.Aha usanga abantu bamwe na bamwe bibaza umwanya ukwiriye igikorwa cyo gutera akabariro cyakagombye kumara cyane ko hari n’abatekereza ko kurangiza vuba cyangwa gutinda cyane byaba ari ikibazo.

Learn how to Thrive

Mu by’ukuri umuntu wese yakwibaza niba mu gihe cyo mu mabanga y’abashakanye hakenewe iminota ibiri, itanu, mirongo itatu cyangwa myinshi cyane. Ibi bibazo byose nubwo ari ingenzi ngo burya umuntu akwiriye kwishimira ko yabikoze neza kuruta kwishimira umwanya yamaze abikora.

Urubuga elcrema rwandika ku nkuru z’urukundo n’imibanire rugaragaza ko abagore benshi batishimira umugabo urangiza vuba ariko bakanibaza iminota nyirizina icyo gikorwa gikwiriye kumara.

Ubushakashatsi bwakozwe na Dr Brendan Zietsch, inzobere ku bijyanye n’ubuzima bwo mu mutwe wo muri Kaminuza ya Queensland muri Australia akabukorera ku bantu 500 bubatse ingo, bwagaragaje ko ikigereranyo cy’iminota yo gukora imibonano mpuzabitsina ari hagati y’amasegonda 33 n’iminota 44.

Impuzandengo ya buri rugo muri izo zabajijwe mu mwanya bamara muri icyo gikorwa, ni iminota 5.4. Gusa uyu mushakashatsi ntiyemeje ko ari wo mwanya nyawo icyo gikorwa gikwiriye kumara.

Ibyo kandi bijya guhura n’ubundi bushakashatsi bwari bwarasohotse muri 2008 bukozwe n’umunya-Canada bwerekanye ko umwanya muto abantu bamara bakora imibonano mpuzabitsina uri hagati y’umunota umwe n’iminota ibiri na ho umwanya munini bamara ari hagati y’iminota itatu n’irindwi.

Yagaragaje umwanya abenshi bifuza ko icyo gikorwa cyamara ari hagati y’iminota irindwi na 13.

Uyu mushakashatsi Dr Brendan avuga ko gupima igihe igikorwa kigomba kumara byaba ari ukwibeshya kuko icy’ingenzi atari uko igikorwa kiba vuba cyangwa umwanya munini ahubwo ari uko cyaba gikozwe neza kigashimisha impande zombi.
Ati “ Hari ubwo abagira vuba bashobora kubikora neza kurenza abafata isaha yose.”

Bitewe n’ibyiyumviro abantu barimo ndetse n’uburambe babifitemo, ngo gukora imibonano mpuzabitsina bimara akanya gato cyangwa kanini, bitewe n’aho abayikora bari, uko basanzwe babanye n’ibindi byinshi.

Alice UMWALI/Umubavu.com


Travel for Free!


Tanga igitekerezo kuri iyi nkuru



Igitekerezo
Masab Dieudorp Kuya 29-03-2018

Twari Twitez Inkuru Ariko Ntabwo Bihuye

Masab Dieudorp Kuya 29-03-2018

Twari Twitez Inkuru Ariko Ntabwo Bihuye

Jado Kuya 29-12-2017

Alice uradutuburiye, copy paste without editing!!

Ernest dukuze Kuya 23-12-2017

biteye isoni. iyi nkuru ntaho ihuriye na titre. ahubwo ihuye n’indi yavugaga igihe nyacyo iki gikorwa cyamara...muzi gukora copy and paste

jp Kuya 23-12-2017

title y’inkuru ntaho ihuriye na Contents. ntabyanyu!