Bimwe mu bibazo by’ingenzi ushobora kubaza umukunzi wawe kuri St Valentin

Mu gihe hasigaye iminsi ibarirwa ku ntoki hakizihizwa umunsi mukuru w’abakundana uzwi mu ndimi z’amahanga nka “Saint Valentin” dore ko urizihizwa kuri uyu wa gatatu tariki ya 14 Gashyantare 2018, kuri iyi nshuro birashoboka ko wahura n’umusore bwa mbere bikaba ngombwa ko mutangira gukundana. Niba winjiye mu rukundo bwa mbere n’umusore ugomba kumenya byinshi kuri we kandi ibibazo bimwe na bimwe wamubaza byakubwira byinshi kuri we. Ibi bibazo kandi bishobora no gukoreshwa n’abasanzwe bari mu munyenga w’urukundo kuko Saint Valentin ari undi mwanya abakundana baba babonye wo kongera kwicara hamwe bakagira byinshi bibaza ku rukundo rwabo mbere yo gufata indi myanzuro ikomeye irimo nko kwambikana impeta.

Ibi bibazo 12 byakubwira byinshi ku musore mugiye gutangirana urugendo rwo gukundana :

1. Kubera iki unkunda ?

Iki kibazo kizagufasha kumenya uburyo wafata imyanzuro mu rukundo rwawe.

2. Umuryango wawe mubanye mute ?

Iki kibazo nicyo gipimo cyiza cyo kumenya uburyo umuryango w’umusore umeranye nawe, niba yahatirijwe kubaka umuryango we cyangwa niba ari umwanzuro we, imiryango iduha imirongo ngenderwaho kuruta uko twabitekereza kandi ahahise h’umuryango w’umuntu hakubwira byinshi kuri we.

3. Uko umubano we mu rukundo wari uhagaze mu bihe byashize

Atari uko ukeneye kumenya byinshi ku mukunzi bakundanaga mbere, ni ingenzi kumenya uko byari byifashe n’uwo bakundanaga cyane byagufasha mu rukundo rwawe. Iki kibazo cyagufasha kumenya imico y’umusore niba ari myiza cyangwa mibi.

4. Urukundo ni iki kuri wowe ?

Si buri wese wizerera mu rukundo cyangwa urukundo rubaho. Iki kibazo kizakubwira byimbitse uburyo yizerera mu rukundo uzamenya niba agufitiye urukundo.

5. Ni iki ukeneye mu rukundo ?

Buri wese aba afite icyo acyeneye mu rukundo, kandi abantu bakenera ibintu bitandukanye. Iki kibazo kizagufasha kumenya intego ye n’urukundo ashaka ndetse icyo urukundo ruvuze kuri we.

6. Wifuza umugore umeze ute ?

Abagabo benshi bakenera ibintu bitandukanye ku bagore babo, ibyo Kalisa yagenderaho sibyo Karekezi yagenderaho bityo kumenya imico umugabo yifuza bizagufasha kumenya niba uri mu bo yakenera.

7. Ni iki ukunda gishobora kukurangaza ?

Ibyo umuntu akunda byerekana uwo umuntu uwo ari we. Niba adasesagura cyangwa afata ibyemezo, niba akundana bidafashe byo kwishimisha cyangwa byagateganyo.

8. Ese wifuza gutereta isugi ?

Izere ibi, si buri mugabo wese wakunda isugi kandi si buri mugabo waha agaciro umugore utarahura n’umugabo. Abagabo bamwe bibaza cyane ku masugi mu gihe abandi batabiha umwanya . Iki kibazo kizagufasha kumenya uruhande ahagazemo kuri ibyo.

9. Uhagaze mu ruhe ruhande ku bijyanye no kudakora imibonano mpuzabitsina mbere yuko dushakana ?

Ni umusore wategereza ? Niba udakeneye kuryamana nawe bizaba ari byiza cyangwa azagerageza kuguhatiriza. Iki kibazo kizagufasha kumenya byinshi cyane.

10. Ese waba indahemuka ?

Gutereta umukobwa udakeneye imibonano mpuzabitsina ni kimwe kigufasha kuba indahemuka. ku musore ni umutwaro uremereye cyane kubera wowe mu gihe mutaranaryamana.

11. Ni izihe ntego ufite mu buzima bwawe ?

Ni ingenzi kumenya intego y’umusore wawe n’inzozi afite mu buzima bwe,ibyo yifuza kuzageraho ejo hazaza n’uburyo akora kugira ngo abigereho.

12. Ni he wibona mu myaka itanu iri imbere ?

Iki ni ikibazo kigufi cyoroshye kumva gusa cyagufasha kumenya intego ze n’intumbero afite. Wamenya byinshi kuri we uramutse umuteze yombi witonze.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo