Arababaye mugire inama : Nkora uburaya ndetse kubireka byarananiye kandi mfite umusore dukundana unanyizera cyane

Muraho nshuti nziza ! Mfite ikibazo kinkomereye ndifuza inama zanyu. Ndi umukobwa w’imyaka 22 niga muri Kaminuza y’u Rwanda i Huye mu mwaka wa kabiri. Nakuze ndi umukobwa w’umuhanga mu ishuri, wiyubaha kandi abantu bose baranyemeraga ko ndi serieuse.

Nakuriye mu muryango ukennye cyane, ndi imfura iwacu kandi turi abana bane. Mama nta kazi agira kandi nta papa tugira nta n’ubundi bufasha kuruhande. Twabayeho nabi cyane, ngeze mu wa gatanu secondaire, abakobwa b’inshuti zanjye barebye ukuntu tubayeho batangira kujya banteza abagabo ngo bampe amafaranga.

Nari umukobwa wihagararaho mu nzara ariko byaranze. Kuva ubwo natangiye kujya mpahira iwacu, ndihira barumuna banjye amashuri ndetse nkishyura n’inzu. Yemwe sinanasubiye inyuma mwishuli nakomeje kuba uwa mbere kuko uko kwigurisha nagukoraga muri vacances.

Gusa munyumve neza sinategaga, ahubwo byabaga ari network hagati yacu abakobwa ugasanga barakurangiye.

Ntawigeze amenya ibyo bintu usibye abo bakobwa n’umubyeyi wanjye. Ndetse ndangiza secondaire nabonye akazi mara umwaka ntasambana. Nabonye bourse yo kuza muri kaminuza nkuru y’ uRwanda, sinakomeza gukora kuko ntari kubifatanya ngo bikunde.

Nasubiye muri ya nzira ya cyera. Nkaha amafranga iwacu nanjye nkakemura ibyange bibazo. Ubwo rero reka umusore wa hano muri kaminuza azankunde yende gusara mwangire kuko nabonaga agiye kumvangira. Birakomera abantu bakoresha inama bansaba ko mwemerera. Nabuze uko ngira ndemera.

Ubwo ntangira gukundana nawe bitandimo, ikibabaje ni uko twamaranye amezi atatu nsigaye mukunda cyane. Ubu tumaranye umwaka n’igice. Ni umusore utameze nk’abo twirirwa tubona, ariyubaha kandi akunda Imana, anafite imico myiza pe ! Ntituraryamana yambwiye ko nzamubera umugore kandi ko ari bwo tuzaryamana, gusa namubwiye ko ntari isugi.

Turakundana cyane kandi aranyizera ! Bijya bimbabaza iyo asenga ashimira Imana ko yamuhaye umucopine w’imico myiza. Gusa ya network sinayivuyeho akazi ndacyagakora, iyo ngiye muri weekend, aba azi ko ntashye mu rugo. Azi ko iwacu twifashije kuko nagerageje kuhagira heza ntiyakwirirwa yibaza aho nkura amafranga.

Noneho ejobundi mperutse gukundwa n’umugabo angurira inzu Kimironko ambwira ko ashaka ko dukundana imyaka 3 (akora muri ONU) kuko niyo contrat afite. Ubu inzu ni iyanjye inyanditseho. Ibyo byo byarandenze nabuze aho mpera nanabibwira umubyeyi wanjye. None dore ikibazo cyanjye : mu by’ukuri nzi kwiyorobeka ntawamenya ibyange ariko nta mahoro mfite.

Mporana umutima uncira urubanza, ndeba umwana w’abandi ndi guhemukira nkumva nakwiyahura. Iyo ndangije gusambana ndarira. Ntekereza kuva muri ibyo byose nkabona iwacu bazicwa n’inzara. Ni ukuri ndaremerewe mungire inama. Ese mbivemo nihane nkizwe ? Mbwire se uwo musore turekane nigumire mu buraya kugirango atazamenya ibyanjye akiyahura ?

Ninkizwa se nzabaho nte ku ishuli ? Iwacu se bazarya iki ? Ese ko ntigeze ntwita nkaba mpora nanipimisha nta SIDA ndwaye umunsi nanduye bwo bizagenda gute ? Ni ukuri mubyumve ngo ndahangayitse nta mahoro yo mu mutima mfite. Kandi rwose murabibona ndi n’umwana ufite future nziza kuko niga medecine generale !"

NB : Ndagusaba gukora share kugirango ubuhamya bwanjye bugere kure maze nunguke inama nyinshi zamfasha.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Habyar Kuya 21-01-2018

Va mubyo urimo ukora kuko nta mugisha uzabona mubyo ukora,ahubwo kizwa kwa Yesu hari byose

KUBWIMANA CHRISTOPHE Kuya 20-01-2018

Sha njye ndabona Imana yonyina ariyonzira wakiriramo , naho ibindibyose urimo nibyakanya gato cyane, uzasinzi wicure igihe cyagucitse.

-xxxx- Kuya 19-01-2018

umva rero nkugire inama wamukobwa we,igihe cyawe Niki ngowihane kuko nukomeza ubwobuzima nogupfa uzapfa kuko niba ntangaruka nimwe wariwabona nuko Imana ikigufiteho umugambi mwiza kd iragukunda rero vamuribwo urimo kuko wigirubyoba ngo famille yawe izabaho ite ngo uziga ute kwa Yesu hari byose amazu meza ,ibyokurya byiza ubuzima bwiza nibindi byinshi rwose witinda gufata icyemezo kiza nkicyo kuko amahirwe azarimwe mubuzima kuko nibufite copin mwiza gutyo usenga kd agukunda wizuyaza Imana izagushyigikira

-xxxx- Kuya 19-01-2018

umva rero nkugire inama wamukobwa we,igihe cyawe Niki ngowihane kuko nukomeza ubwobuzima nogupfa uzapfa kuko niba ntangaruka nimwe wariwabona nuko Imana ikigufiteho umugambi mwiza kd iragukunda rero vamuribwo urimo kuko wigirubyoba ngo famille yawe izabaho ite ngo uziga ute kwa Yesu hari byose amazu meza ,ibyokurya byiza ubuzima bwiza nibindi byinshi rwose witinda gufata icyemezo kiza nkicyo kuko amahirwe azarimwe mubuzima kuko nibufite copin mwiza gutyo usenga kd agukunda wizuyaza Imana izagushyigikira

Victor Kuya 18-01-2018

Va mu rupfu,ibyaha byawe ntibizaguhesha amahoro, Imana yaguhaye umukunzi ugusengera kugirango ukunde ureke ibyaha. Nubikomeza uzapfa ukenyutse kandi uko kwishimira ibyo ukura mu byaha ntacyo bimaze. Wizeye Imana yagutungana n’umuryango wawe.

Nzamurambaho Kuya 18-01-2018

Icya mbere bwiza umusore ukuri,ubundi ukizwe ubireke atazamenya uko uri nyuma mu rugo bikazakugora

Frocky Kuya 18-01-2018

Wangu sieter nibyo ubuzima buragora komeza icyowiyemeje ukomeze ufashe umuryango ukomze wige urangize umusore mureke nubundi nadahumuka wendanawe uzaburigufata umwanzuro reka iyo contract irangire yuwomugabo UN uranginze amasomo ibindi uzabimenya kuko uwomugabo nimurangizanya uzakondesha iyonzu izabatunga nawe uzaba ushakisha akazi kandi kukabona uzahita ukabona nubundi abagabo uzakomeza ubashiture kubwizabwawe bazaguha akazi plz agakingirizo musakame plz ahunjyahose agakingirizo nibwobuzima From FROCKY.

FROCKY Kuya 18-01-2018

Wangu sister inama naguha komeza urangize iyo contract yuwomugabo UN ukomeze ufashe nomurugo wendanawe ubanze urangize amashuri hanyuma iyunzu ya kimironko uzayikondesha igaburire murugo ndetsenawe mugihe uzaba utegereje akazi nubundi ibyowakoze warabimoze umusore mureke nakomeza guhuma ntakibazo muzabana ibyobyose nibirangira nugiramahirwe itabimenye gusa kwibukako amagara iyaterewe hejuru buriwese asamaye plz agakingirizo musakame ntukakabure good lucky fom Frocky.

Didimaon Kuya 18-01-2018

ni hatati nonec ubwo amaherezo azaba ayahe ? umva rero wwe kizwa uburaya ubuvemo ubwire Uwo mukopine agufashe niba yishoboye cg shakisha ahantu wabona akarimo wakora niyo kaba kaguha 20000 humura uzabaho.

qqqq Kuya 18-01-2018

cyangwa uri kwiyamamaza ngo ubone abakiriya benshi