Itorero ry’Abametodisite ryanzuye kutazongera gukoresha ubukwe hatemewe ubw’ababana bahuje ibitsina

Rimwe mu matorero y’Abametodisite ryafashe icyemezo cyo kutongera gusezeranya abageni abo ari bo bose kugeza igihe hazatorerwa itegeko ryemerera ababana bahuje ibitsina nabo bakemererwa gusezerana imbere y’Imana.

Iri torero ry’Abametodisite ryo muri Leta yaTexas muri leta zunze ubumwe z’Amerika ryamaze kwemeza ko nta bundi bukwe bwo gusezerana imbere y’Imana buzongera kuriberamo mu gihe cyose bizaba bitaremezwa ko n’abashaka kubana bahuje ibitsina bemerewe gusezeranywa Imbere y’Imana.

Ku wa24 Nzeri 2017nibwo Umushumba mukuru w’iri torero witwa, Taylor Fuerst yatangaje ko yiyemeje guhaaranira uburengenzira bw’ababana bahuje ibitsina, yagize ati “Bimaze kurushaho gukabya kuko usanga umuntu uryamana n’yuwo bahuje igitsina hano mu mujyi wacu agirwa igicibwa kandi siko bikwiye. Yaba igitabo twemera yaba n’amahame yacu bivuga ko abantu bose bareshya.”

Davis Covin, nawe wari mu nama yafashe iki cyemezo yagize ati “Iki cyemezo kirerekana ko abayoboke bacu bashaka kugaragarizanya ubwitange no kwifatanya muri byose, Ndakeka ibi ari urugero ku bana bacu n’urubyiruko ko bazakura bafitanye ubumwe”
Iki cyemezo cyafashwe cyahise gishyigikirwa nandi matorero 11 y’Abametodisite bose bemeza ko hakenewe uburenganzira bw’ababana bahuje ibitsina.
Aya matorero yiyemeje ibi mu gihe imyemerere n’amabwiriza by’iri torero ku isi yose bitemera ubutinganyi.



Tanga igitekerezo kuri iyi nkuru



Igitekerezo