Amerika yafashe icyemezo cyo kuva muri UNESCO

Leta Zunze Ubumwe za Amerika zikuye mu ishami ry’Umuryango w’Abibumbye rishinzwe ubumenyi, uburezi n’umuco ku isi, UNESCO.

Leta Zunze Ubumwe za Amerika yatangaje ko ivuye mu ishami ry’Umuryango w’Abibumbye rishinzwe kwita ku bumenyi, uburezi n’umuco, UNESCO ikaba irega iri shyirahamwe ko rikunze kubangamira igihugu cya Israeli mu myanzuro imwe n’imwe.
Minisiteri y’ububanyi n’amahanga ya Amerika yavuze ko iki cyemezo kivuye ku cyo yita impungenge z’imyenda muri UNESCO, impinduka zikomeye zikenewe mu uyu muryango ndetse n’icyo yise gukomeza kubogama bigamije kurwanya Isiraheli.
Gusa umuvugizi wa Departement ya Leta ya Amerika Heather Nauert yagize ati”Iyi n’ingingo yaritondewe cyane kandi ifite umugambi wo kwerekana amakenga ya Leta ya Amerika ku byerekeye inkunga ibihugu bitanga arikorimwe na rimwe zikanaza ikerwrewe ndetse no ku byerekeye ibintu byinshi bitegerejwe guhinduka muri iri shyirahamwe yewe nifatwa nabi ry’igihugu cya Israeli.
Leta ya Amerika yamenyesheje ubuyobozi bukuru bwa UNESCO ko gusa yifuza kuguma gukorana n’iri shyirahamwe itanga inkunga yayo ariko itari mu muryango w’ibihugu bigize iri shyirahamwe. Umuyobozi wa UNESCO, Irina Bokova, yavuze ko bababajwe n’iki cyemezo cya Leta ya Amerika cyane ko batari bakiteze.
Amerika yahagaritse inkunga yahaga UNESCO nyuma yaho itoreye yemeza ko Palestina ibaye umunyamuryango wayo mu mwaka wa 2011.
Mu kwezi kwa 12 k’umwaka utaha wa 2018 nibwo Amerika izaba yavuye neza muri UNESCO. Gusa mbere yicyo gihe Amerika izaba ikiri umunyamuryango wuzuye w’uyu muryango.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo