Abakurikiranwa ku rupfu rwa Kim Jong-nam bahakanye ibirego

Abagore babiri bakurikiranwa ku rupfu rwa Kim Jong-nam asangiye umubyeyi umwe na Prezida wa Korea ya Ruguru, bahakanye ibyo baregwa mu rubanza rwasomwe uno munsi mu gihugu cya Malaisie.

Uburyo bw’umwihariko yishwemwo hakoreshejwe ubumara VX arindiriye indege imutwara Kuala Lumpur mu kwezi kwa kabiri, bwaratangaje amakungu.
Umunya Vietnam Doan Thi Huong w’imyaka 29 hamwe n’umunya Indonésie Siti Aisyah w’imyaka 25, nibo bakurikiranwa bavugwa ko bamumijiye ubwo bumara mu maso.

Abo bagore babiri bavuga ko ibyo bakoze kari agakino ka televiziyo kandi ko bahenzwe n’abantu baherejwe na Korea ya Ruguru.

Pyongyang yarahakanye ko ntaruhare ifite muri ubwo bwicanyi, ariko urkikorwavuze ko hari abagabo bane baturuka muri Korea ya Ruguru bahunze bava muri Malaisie uwo munsi nyine, bikekwa ko bafite uruhare muri ubwo bwicanyi.

Urwo rupfu rwatumye havuka amakimbirane hagati ya Korea ya Ruguru na Malaisie, ibyo bihugu byarirukanye abagenderaga ibi bihugu.

Urwo rubanza rumaze amezi umunani, abo bagore babiri bakaba aribo bonyine bamaze bababazwa kurupfu rwa Kim Jong-nam.

Icyaha ni cyiramuka kibahamye, abo bagore bazakatirwa igihano cy’urupfu.
Ababunganira mu rubanza bavuga ko abakwiye gukurikiranwa arabo bagabo bo muri Korea ya Ruguru bahungiye muri Malaisie.



Tanga igitekerezo kuri iyi nkuru



Igitekerezo