Zari na Diamond bongeye gusubira mu munyenga w’urukundo

Umuhanzi ukomoka mu gihugu cya Tanzaniya, Diamond Platinumz hari hashize iminsi arebana ay’ingwe n’umugore we Zari ahanini kubera uburyo yamuciye inyuma ndetse akanabyara n’undi umwana hanze gusa kuri ubu bagaragaje ko biyunze bakongera gusubira mu munyenga w’urukundo rwabo.

Nyuma y’uko Zari agarutse mu gihugu cya Tanzaniya avuye muri Afurika y’epfo aho yari amaze iminsi myinshi adahura na Diamond ndetse badacana uwaka kubera uburyo Diamond yamuciye inyuma ndetse akanabyara umwana hanze, Zari na Diamond basa na’abarimo kwiyunga kuko batangiye kongera kugaragara mu ruhame bari kumwe aho bajyanye mu muhango wo gufungara iduka rishya rya Zari ndetse nyuma yaho bakaba bongeye kugaragara bari kumwe batemberana mu isoko.
Zari yashyize hanze aya mushusho abinyujije ku rukuta rwe rwa instagram bikaba bibaye nyuma y’uko yari yasibye amafoto yose ya Diamond Platinumz kuri uru rukuta rwe.
Abakunzi babo bari kugaragaza kubishimira cyane kuko aho bagiye hose usanga bashagawe n’imbaga y’abantu gusa n’ubwo bimeze bitya Diamond na Zari ntibagaragaza gusabana cyane ndetse bavugana gake cyane iyo bari kumwe bikaba bisa naho batariyunga neza.
Gusa Zari we yamaze gutangaza ko akiri kumwe n’umugabo we Diamond gusa ko barimo gushaka uburyo ubuzima bwabo bwite babuhungisha imbuga nkoranyambaga mu buryo bwo kubona umutekano usesuye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo