Yishyinguye ari muzima kubera gutinya urufu

Kuri uyu wa Kane tariki ya 16 Ugushyingo 2017 , Brandon Grech w’imyaka 20 y’amavuko wo mu gihugu cya Australia, yamaze amasaha abiri yose mu gituro nyuma yo kwishyingura ari muzima kubera gutinya urupfu.

Ibi byabereye mu gace ka Essendon, mu magepfo y’umugi wa Melbourne kuri uyu wa kane aho abantu babonye ijosi ry’uyu musore mu mwobo utabye bakihutira guhuruza igipolisi ku bw’amahirwe bakamukuramo akirimo umwuka.

Nyuma yuko arusimbutse, Brandon Grech yabwiye itangazamakuru ko icyamuteye gukora ibi ari ugutinya urupfu ngo cyane ko yakekaga ko agiye gupfa. Aha umuntu akaba yakwibaza niba umuntu yahungira urupfu mu rundi.

PNG - 689.7 ko
Brandon Grech wwamaze amasaha 2 mu gituro ngo atinya urupfu


Brandon Grech yishyinguye mu matiyo asanzwe atwara imyanda mu mugi wa Melbourne aho abantu babonye hasigaye ijosi rye ndetse bakabona n’amaguru ye atabasha kunyeganyega niko kwihutira kubimenyesha abashinzwe umutekano muri uwo mugi ngo akorerwe ubutabazi.

Uyu musore akimara kwijugunya mu mwobo urimo amatiyo atwara amazi n’imyanda, yatangiye kwicukurira byanatumye bigorana cyane kumutabururamo dore ko hakoreshejwe imashini kubera hari mu mwobo muremure cyane.

PNG - 1023.9 ko
Abashinzwe umutekano bataburura Brandon Grech


Brandon Grech yavuze ko yumvaga ubuzima bumubihiye ndetse yumva ntta kiza kiburimo ngo cyane ko yumvaga isaha n’isaha urupfu rwamutwara akaba ari byo byamuteye gukora ibi.

Nyuma yuko akuwe mu gituro, Brandon Grech yahise ajyanwa mu bitaro kuri ubu akaba ari gukurikiranwa kugira ngo harebwe nib anta kibazo kindi yagize mu mubiri we.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo