Yatakambiye urukiko arusaba gufungwa kubera kutagira aho aba

Nyuma yaho Bradley Grimes w’imyaka 23 y’amavuko wo mu gihugu cy’u Bwongereza mu mugi wa Middlesbrough aburijwe kugenda asabiriza ndetse anarara aho abonye hose ku mbaraza z’amaduka y’abandi, uyu mugabo ufite ikibazo cyo mu mutwe yatakambiye umucamanza amusaba ko yamukatira igifungo ashingiye ko n’ubundi ntaho agira ho kuba.

Nyuma y’urubanza, Bradley Grimes yavuze ko kuba atarahawe icyo yisabiraga urukiko bizamugiraho ingaruka bitewe nuko atagira aho akinga umusaya. Yagize ati "Ibyo bakoze ni ugushaka ko ntabana n’abandi kandi byari kumfasha kubaho ntasabiriza. Byari ngombwa ngo nsabe gutya kugira ngo nshobore kubaho."

Bradley Grimes yatangiye kubura aho aba nyuma yo kuvanwa ku rutonde rw’abafashwa na Leta ubwo yari afite imyaka 17 y’amavuko.

PNG - 862.3 ko
Bradley Grimes yirarira muri iki gihuru


Bradley Grimes avuga asa nk’utitimira akaba kandi adafite n’ubwenge bwuzuye. Kuva icyo gihe ntiyigeze abona akazi kuko akenshi na kenshi yagendaga asabiriza abahisi n’abagenzi abasaba ibyo kurya ndetse n’amafaranga.

Gusa ibi uyu mugabo yisabiraga ntibyamuhiriye kuko ahubwo byatumye umucamanza w’urukiko rukorera mu mugi wa Middlesbrough amutegeka gucika kuri iyi ngeso yo kubaho asabiriza abantu bose abonye umuco uteri mwiza. Iryo tegeko riri kumwe n’irimubuza kurara ku mazu y’ubucuruzi y’abantu kandi atari umuzamu wayo.

PNG - 786.8 ko
Rimqwwe na rimwe Bradley Grimes arara no mu kazu bategeramo imodoka


Bradley avuga ko iyo ngingo imubuza kurara imbere y’inzu z’ubucuruzi aho yikinga imbeho ariyo ituma akomeza kugenda afatwa n’abashinzwe umutekano bamubuza kureba uko yahikinga.

Yagize ati "Ibyuma bifata amashusho bya CCTV birayafata umwanya ku mwanya bikayoherereza igipolisi ndetse n’abazamu, abapolisi bagahita baza kugufata. Mamaze gufatwa inshuro nyinshi ku buryo nko ku munsi mfungwa nka kabiri cyangwa rimwe kuva mu mezi ashize. Nakundaga gufungwa cyane mu mpera z’umunsi. Sinshobora kwicara no ku ntebe yagenewe abantu bose ngo bareke kumfata. Ni ngombwa ngo ngume nzerera”.

Kubera kwirirwa azerera Bradley Grimes biramunaniza cyane ari nacyo cyatumye asaba urukiko ko yafungwa kuko yabonaga ari byo byamufasha kuruta kwirirwa azerera atagira aho ataha.

Ubwo yari mu rukiko, Bradley Grimes yashinjwaga kurenga ku mategeko kuko yari yahawe igihano cyo gufungishwa ijisho mu gihe cy’amezi ane ari mu rugo iwe. Ikosa Bradley Grimes adahakana akisabira umucamanza ko yamukatira igihano cyo gufungwa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo