Wa mukinnyi wa Filimi z’urukozasoni wemeje ko yaryamanye na Perezida Trump yamujyanye mu nkiko

Stormy Daniels, umukinnyi wa film z’urukozasoni yajyanye mu nkiko Perezida wa Leta Zunze Ubumwe za Amerika Donald Trump, amushinja gusebanya.

Daniels ubusanzwe witwa Stephanie Clifford aherutse kuvuga ko mu mwaka wa 2011 ubwo yashakaga gushyira iby’umubano we na Trump ku karubanda, hari umugabo wamwegereye bari mu Mujyi wa Las Vegas amubwira ko ibyiza ari ukureka kuvuga ibyo bintu.

PNG - 786.8 kb
Perezida Donald Trump yavuzweho kuryamana na Stormy Daniels ukina film z’urukozasoni


Bwacyeye Trump ajya kuri Twitter yandika ko ibyo Daniels yatangaje ari ikinamico ridafite aho rishingiye.

Ikirego cya Daniels cyatanzwe n’umunyamategeko we Michael Avenatti mu rukiko i New York, avuga ko isura y’umukiliya we yateshejwe agaciro na Perezida Trump.
Avenatti yavuze ko bibabaje kuba Trump yaratesheje agaciro ibyo Daniels yavuze kandi bishingiye ku bigize icyaha yakorewe.

PNG - 600.3 kb
Stormy Daniels yajyanye Trump mu nkiko amushinja kumusebya


Perezida Donald Trump na Daniels bavugwaho kugirana urukundo rw’ibanga mu 2006. Trump ntiyemera ko hari umubano wihariye yigeze agirana na Daniels.

Umunyamategeko wa Trump, Michael Cohen yishyuye Daniels amadolari 130 000 ngo atazashyira iby’urwo rukundo ahagaragara, ariko ahakana ko yatumwe na Perezida Trump.

Mu kirego cyatanzwe, Daniels avuga ko Trump yifashishije amamiliyoni y’abamukurikira hirya no hino ku Isi, agatesha agaciro ibyo umukiliya we yavuze ndetse ngo byanamuteje igihombo cy’amadolari 75 000.

CNN yatangaje ko Daniels yatewe ubwoba bwo kureka gushyira hanze ibye na Trump muri Gicurasi 2011 ubwo yari mu myiteguro yo kujya kubinyuza mu kinyamakuru.

Urwego rushinzwe iperereza (FBI) ruherutse kujya gusaka umunyamategeko wa Trump, Michael Cohen kandi ngo mu byo rwatwaye harimo inyandiko zerekeranye na Stormy Daniels.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo