Visi Perezida wa Amerika yahawe gasopo yo kutazakandagira ku butaka bwa Palestine

Ibi bije nyuma yuko kuri uyu wa gatatu tariki ya 06 Ukuboza 2017 Perezida wa Leta Zunze Ubumwe za Amerika, Donald Trump yemeje Yerusalemu nk’umurwa mukuru w’igihugu cya Isirayeli icyemezo cyatumye igihugu cya Palestine gihita gitangaza ko gihaye gasopo Visi Perezida wa Amerika witeguraga kugirira uruzinduko mu Karere iki gihugu giherereyemo muri uku kwezi.

Learn how to Thrive

Ibi byagaragariye ku ishusho ya Visi Perezida wa America, Mike Pence yasharabitswe mu buryo bukomeye hakanandikwaho ubutumwa bwo kumwamagana muri Palesitin. Amwe mu magambo yanditse kuri iyi foto yanashyizwemo akamenyetso k’umusaraba mu mutwe, agira ati “Gasopo: Pence nta karibu uhawe”.

PNG - 691.2 kb
Ifoto ya Visi Perezida wa America, Mike Pence yasharabitswe


Ishyaka riri ku butegetsi mu gihugu cya Palestine ryatangaje ko ridashobora guha ikaze mu gigugu cyabo Visi Perezida wa America, Mike Pence wari witeguye kubasura muri uku kwezi agomba no guhura na Perezida.

Umunyapolitike ukomeye wo mu ishyaka rya Fatah riri kubutegetsi, Gibril Rajoub, yagize ati: ”Ntidushobora kwakira Visi Perezida wa America nyuma yo gufata agace twita umurwa mukuru wacu (Yeruzalemu) bakagahindura umurwa mukuru wa Islael”.

Visi Perezida Pence yari yasabye guhura na Perezida wa Palestine Muhmoud Abbas, kuwa 19 Ukuboza 2017 bagahurira i Betelehemu mu ruzinduko ateganya gukorera mu Karere iki gihugu giherereyemo.

America isanga kuba igihugu cya Palestine cyanze kwakira Mike Pence ari igihombo gikomeye kuko ibyo abayobozi bo ku mpande zombi bari kuzaganira byazagize akamaro ku mpande zombi.

Ibi bije nyuma y’aho kuri uyu wa gatatu Perezida wa Leta Zunze Ubumwe za America atangarije ko Yeruzalemu ibaye umurwa mukuru wa Islael kandi ko na Ambasade ya America igiye guhita yimurirwa muri uyu Murwa mushya.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo