Uyu munsi nibwo Amerika ifata icyemezo ku byo gutera Syria

Leta Zunze Ubumwe za Amerika zavuze ko amakarita yose ari ku meza ku mugambi wo kugaba igitero cyo kwihorera icy’umwuka w’ubumara cyagabwe muri Siriya, mu gihe abategetsi b’i Burayi batandukanye bagishyira ku munzani iby’icyo gitero.

Umuvugizi w’ibiro by’umukuru w’igihugu, Sarah Sanders yabwiye abanyamakuru ko ingingo ya nyuma ku bijanye no kugaba ibitero bya gisirikare itarafatwa.

Yavuze kandi ko Amerika yemeza ko iby’icyo gitero cy’ubumara u Burusiya na Siriya byombi byabigizemo uruhari.

Akanama gashinzwe umutekano ka Amerika gateganya guhura kuri uyu munsi wa Kane, mu gihe Minisitiri w’Intebe w’u Bwongereza, Theresa May yatumije inama y’igitaraganya y’Abaminisitiri.

Abaharanira uburenganzira, abakozi bo mu butabazi n’abo mu buvuzi, ku munsi wa Gatandatu bavuze ko hari abantu babarirwa muri mirongo bapfiriye mu mujyi wa Douma usanzwe uri mu maboko y’inyeshyamba.

Leta ya Syriya iyobowe na Perezida Bashar al-Assad isanzwe ifashwa n’u Burusiya mu bya gisirikare, yahakanye kuba inyuma y’icyo gitero cy’ubumara.

PNG - 361.5 ko
Ubwato bw’intambara bwa Amerika busenya "Missiles" bukambitse mu nyanja ya Méditerranée

Daniel MUKESHIMANA@Umubavu.com



Tanga igitekerezo kuri iyi nkuru



Igitekerezo
Ruto Kuya 14-04-2018

America ishishoze dore imaze kugira abanzi benshi hari ubwo yashoza intambara kuyitsinda bikaba ingorabahizi kuko ikoranabuhanga mu bya gisirikare rigeze kure