Usa : Yirukanywe ku kazi azira gutunga urutoki abarinda Perezida Trump

Nyuma yuko afotowe ifota ari ku igare, Juli Briskman yirukanywe ku kazi azira iyo foto ari gutunga urutoki rwo hagati ruzwi nka “musumbazose” ku modoka z’abacunga ubuzima n’umutekano bya Perezida wa Amerika Donald Trump.

Iyo foto yahererekanywe cyane nyuma yaho ifatiwe ku itariki ya 28 z’ukwezi kwa cumi i Virginia hafi yaho Trump akinira golf. Juli Briskman uvuga ko aticuza ku byo yakoze

Juli Briskman, ariwe yamenyekanye kuri iyo foto ari ku igare, avuga ko yirukanywe n’abamukoresha mu kigo Akima LLC, nyuma yaho ashyiriye iyi foto kuri profile ye ku mbuga nkoranyambaga akoresha. Nyuma yuko ibi bibaye, iki kigo kivugwamo kwirukana uyu mukozi nticyifuje kuvugana na BBC nkuko ibitangaza.

Uyu mugore Briskman yabwiye itangazamakuru rya Amerika ko iki kigo cyamuhamagaye mu nama, nyuma y’umunsi umwe abwiye ibiro bishinzwe abakozi ko ari we wari ku ifoto yari imaze iminsi ihererekanywa ku mbuga nkoranyambaga zitandukanye.

Yabwiye ikinyamakuru "Huffington Post news" gikorera ku rubuga ngurukanabumenyi ko abamutwara bamubwiye ko iyo foto yerekana "kutubaha" bityo ikaba iteye itajyanye na politike yabo ku byerekeye umbano mu by’itangazamakuru mu kuba yayishyize kuri Twitter na Facebook ifoto nk’iyo.

Madamu Briskman yavuze ko yabwiye abamukoresha ko hatari igihe cy’akazi ubwo iyo foto yafatwaga kandi ko atigeze avuga iby’abamukoresha ku mbubuga nkoranyambaga izo ari zo zose.

Avuga ko umugabo bakorana yahiye asabwa gukora akazi yakoraga, amaze gusiba ubutumwa bwiswe bubi yari yanditse no mu bindi bihe akoresha imbuga. Ibi byatumye yibaza mu by’ukuri icyatumye ahita akurwa ku mabanga yarasanzwe afiteho uburenganzira.

Uwo mugore w’imyaka 50 afise abana babiri, yaramaze amezi atandatu akora mu kigo gikorana na leta mu bijyanye no guhererekana amakuru.

Uyu muco wo kwo kwifata uko abantu bishakiye ku modoka zitwaye abayobozi bakomeye ba Amerika ngo ni ikintu gisa n’icyabaye umuco muri iki gihugu.

Iyi foto yirukanishije uyu mugore yafashwe n’uwitwa Brendan Smialowski

Nubwo yirukanywe mu kazi, Madamu Briskman avuga ko aticuza icyatumye akora ibi ngo cyane ko nta mutekano wa Perezida Trump yabangamiye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo