Umwana yatwikishijwe amavuta n’ababyeyi be yanze kurongorwa n’umuherwe ngo babone akayabo

Nyuma yuko umwana witwa Maarib Al Hishmawi yanze gushyingiranwa n’umuherwe wemeraga gukwa ababyeyi be akayabo k’ibihumbi 20 byose by’amadorari ya Amerika, yahuye n’akaga gakomeye byatumye ababyeyi be batangira kumuhohohotera kugera n’aho bamutwikisha amavuta.

Umugabo witwa Abdulah Fahmi Al Hishmawi n’umugore we Hamdiyah Sabah Al Hishmawi batawe muri yombi na Polisi yo muri Leta ya Texas muri Leta Zunze Ubumwe za Amerika kubera gukubita ndetse bagatwikisha amavuta umwana wabo w’imyaka 16 wanze gushyingiranwa n’umukire w’imyaka 25 washakaga kubakwera akayabo k’ibihumbi 20 by’amadolari.

Uyu mugabo n’umugore bimukiye muri Amerika bavuye muri Iraq, bahatirije uyu mwana wabo gushakana n’uyu mugabo kugira ngo babone aya madorari, abyanze baramutwika byatumye batabwa muri yombi na Polisi.

Polisi yatangaje ko aba babyeyi gito bamaze iminsi bahohotera uyu mwana wabo kuko mbere yo kumumenaho amavuta ashyushye, babanje kumufungirana kugira ngo adatoroka byatumye ku ishuri yigagaho bamushakisha ni ko gutanga ikirego Polisi isanga uyu mwana yarahohotewe bikomeye, ihita ita muri yombi uyu mugabo n’umugore.

Uyu mwana w’umukobwa witwa Maarib Al Hishmawi avukana n’abandi bana 5 gusa bagiye kubaho nta babyeyi kubera amahano ya nyina na se.

PNG - 783.9 ko
Abdulah Fahmi Al Hishmawi n’umugore we Hamdiyah Sabah Al Hishmawi batwikishije umwana wabo amavuta nyuma yo gutera utwatsi ibyo kurongorwa n’umuherwe ngo abaheshe akayabo k’amadorari

Daniel MUKESHIMANA@Umubavu.com



Tanga igitekerezo kuri iyi nkuru



Igitekerezo