Umupasiteri wari wahanuye ko Robert MUGABE yapfuye yavuze ko Imana yisubiyeho

Kuri uyu wa kabiri tariki ya 17 Ukwakira 2017, nibwo umupasitori wo mu gihugu cya Zimbabwe witwa Phillip Muguzada, yavuze ko yeretswe ko Perezida Robert Mugabe yapfuye ariko nyuma y’ibi kuri ubu akaba yasobanuye ko nubwo iyerekwa rye ritabaye impamo byavuye ku kuba Imana yisubiyeho nkuko ikinyamakuru Times Live cyabivuze.

Times Live yandika ko Pasitori Phillip Muguzada yavuze ko ku bijanye n’igituma Imana yasubitse urwo rupfu ntacyo Irabimubwiraho. Uyu mupasitori yakomeje avuga ko kugeza ubu atazi igituma Imana yafashe iki cyemezo. Yagize ati “Ndabizi ko hari abantu benshi bari biteze kubona ko ibyo neretswe biba kubera ibiba muri iki gihugu." Iyi nkuru ngo ikaba ariyo yiriwe ivugwa cyane ku mbuga nkoranyambaga cyane cyane mu gihugu cya Afrika Yepfo.

PNG - 789.6 ko
Uyu mupasitori avuga ko Robert MUGABE ntacyo akibaye kuko Imana yisubiyeho


Uyu mu pasitori w’umunya Zimbabwe Phillip Muguzada ngo akaba yaherukaga kugerageza kureba uko urukiko rwamuhanaguraho ibyaha bijyanye n’ubu buhanuzi bwe buvuga ko Perezida Robert Mugabe w’imyaka 93 yapfuye yari yavuze ko yeretswe ku munsi wa kabiri tariki ya 17 Ukwakira 2017.
Uru rubanza rw’uyu mupasitori ngo kuri ubu rukaba rugiye gusubizwa mu rukiko rw’ibanze aho Pasitori Muguzada unayoboye Urusengero Remnant Church ashinjwa kugaba ibitero by’amagambo ku bantu bo mu bwoko cyangwa idini ndetse no gukora ibyaha byonona ubuzima bw’umuntu.
Ubwo aheruka gufatwa n’ubundi akurikiranyweho ibi byaha, umwunganira mu mategeko, Gift Mtisi yabwiye BBC ko nawe yemera ubu buhanuzi bw’umukiriya we avuga ko atabeshya. Yagize ati “ubwo ni ubutumwa bw’Imana”. Kuri ubu ngo hakaba hategerejwe ko igipolisi cyemeza niba koko ari Imana yabivuze cyangwa atari yo.
Abunganira Pasitori Muguzada basabye urukiko kubaha ubutabera buteganywa n’Itegeko Nshinga bityo bakamuhanaguraho ibi byaha cyane ko ngo guhanura buri muntu wese abyemerewe.

Daniel MUKESHIMANA/Umubavu



Tanga igitekerezo kuri iyi nkuru



Igitekerezo
Niyonshuti Rogers Kuya 19-10-2017

Ntihakagire utega iminsi abantu kuko siwe uba yaramuremye kdi umwanzi agucira akobo Imana igucira akanzu