Umukobwa yiyahuye nyuma yo kwibeshya akoherereza inshuti ye ifoto y’undi musore atendeka

Charlotte Guy w’imyaka 17 wo mu gihugu cy’u Bwongereza, umurambo we wasanzwe mu giti yimanitse nyuma yuko yibeshye akoherereza umusore w’inshuti ye witwa Jack Hurst w’imyaka 20 y’amavuko ifoto y’undi musore atendeka.

Kuri Snapchat ye, Charlotte Guy yoherereje Jack ifoto y’undi musore bakundana ku ruhande nyamara yibeshye kuko yashakaga kmwoherereza ubutumwa nyuma yo gukeka ko yaba ari kumwe n’undi mukobwa.
Nyuma yo kubona ko yibeshye akohereza ifoto y’undi musore, Charlotte yahise yoherereza Jack ubundi butumwa bumusaba imbabazi agira ati”urabeho kandi umbabarire”. Nyuma y’ubu butumwa kandi yongeyeho ubundi bugira buti”ndagukunda gusa kumenya ko unyanga birahagije”. Ibi byose uyu mukobwa yabyandikanaga umujinya mwinshi atewe no kwibeshya kwatumye atahurwa ko atendeka inshuti ye ndetse no gukeka ko inshuti ye yaba yari iryamanye n’undi mukobwa.

PNG - 632.6 ko
Iyi foto niyo Charlotte yibeshyeho ayoherereza umukunzi we Jack


Jack wari usanzwe akundana na Charlotte yavuze ko yakekaga ko umukunzi we amutendeka ku bw’amahirwe bikanarangira abimenye ngo kuko burya uwububa abonwa n’uhagaze. Jack akomeza avuga ko mbere yuko umukunzi we atabaruka yari yamuhamagaye akamwitaba amusubizanya umujinya mwinshi byatumye yibaza niba hari uwaba yaramumuteranyijeho.

PNG - 706.5 ko
Charlotte wiyahuye

Charlotte yakomeje abwirana umujinya Jack ko yari ataramwizera neza cyane ko ngo yumvaga ashobora kuba amuvugisha mu gushaka kumubeshya no kumuhehetaho. Bitewe n’imbaraga Jack we yari yarakoresheje kugira ngo akundane na Charlotte, yavuze ko yumvaga ibi byose ntacyo bimubwiye kuko yamukundaga cyane.

PNG - 803.6 ko
Uyu ni Charlotte na Jack


Mu kwisobanura, Charlotte yavuze ko yabonye umukunzi we atamwitayeho agahitamo kumwoherereza iyo foto kuri Snapchat kugira ngo amwiteho.

PNG - 784.8 ko
Jack watendekwaga atabizi


Ku ruhande rw’igipolisi gikorera mu gace uyu mukobwa yiyahuriyeho, kivuga ko umurambo w’uyu mukobwa waje gusuzumwa ibizamini bigasanga yari yananyweye ibiyobyabwenge birimo na Cocaine bigakekwa ko nabyo byaba biri mu byamuteye kwiyahura nkuko daily.bhaskar babyanditse.

Ababyeyi be nabo batangaje ko batunguwe no kubona umwana wabo yiyahuye kuko batanabitekerezaga ko byabaho cyane ko nta kibi bari basanzwe bamubonaho.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo