Umuhungu wa Osama Bin Laden yahagurukiye Amerika

Hamza Bin Laden, umwana w’umuhungu ubyarwa na Osama Bin Laden, arahamagarira abayoboke ba Al-Qaida cyane cyane urubyiruko guhagurukira icyarimwe bakarwanya abakozi bose bakorera igihugu cya Amerika.

By’umwihariko kandi Hamza Bin Laden yasabye Abayisilamu kwihorera ku banyamerika kuko bishe ise umubyara, Osama bin Laden.

Hamza, bivugwa ko ubu yaba afite imyaka 28 y’amavuko, ibi byose yabitangarije mu ijambo ryo kuri uyu wa kabiri ubwo yaganiraga n’ikinyamakuru cya Al-Qaida cyitwa Media Foundation.

Hamza yabwiye abayoboke ba Al-Qaida ko ku mugaragaro yamaganye demokarasi ivugwa mu magambo gusa avuga ko ubwigenge bw’abantu budashobora kubonekera mu mpapuro zidafite agaciro zisa nk’izitererwa mu isandugu gusa nta gaciro zifite.

Iri jambo Hamza Bin Laden arivuze nyuma y’iminsi mike ikigo cy’abanyamerika gishinzwe iperereza ryo hanze y’igihugu, CIA gishyize hanze amavidewo y’ubugeni bwa Hamza, aya mavidewo akaba yaratowe mu gihe Amerika yagabaga igitero mu gihugu cya Pakistani ari nacyo cyishe ise mu mwaka wa 2011.

Mbere y’iyi videwo yashyizwe hanze na CIA, Hamza yaherukaga kubonwa akiri umwana muto yitoza cyane bimwe mu bikorwa nk’ibyo ise yakoraga birimo n’ibya gisirikari.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
dusabe jean Kuya 9-11-2017

Kbx

Issiaka ben bubakar Kuya 9-11-2017

kwihorera siwomuti wikibazo