Ubwicanyi bukomeye bwahitanye Aba-Rohingya 6.700 muri Myanmar

Ubwicanyi bukomeje kuvuza ubuhuhu mu gihugu cya Myanmar giherereye mu majyepfo y’umugabane wa Asia (kizwi kandi nka nka Burma) aho kugeza ubu abaturage bo mu bwoko bw’Aba-Rohingya bagera kuri 6.700 bamaze kwicwa mu kwezi kumwe nyuma y’imidurumbanyo yadutse mu kwezi kwa munani nk’uko bivugwa n’ishyirahamwe ry’Abaganga batagira umupaka (Medecins Sans Frontieres, MSF).

Hashingiwe ku mibare y’impunzi ziri muri Bangladesh, umubare w’abakomeje kubura ubuzima uri hejuru ugereranyije n’uwo ubutegetsi bwa Myanmar buvuga ko abamaze gupfa ari 400.

PNG - 722.6 kb
Muri izi mpunzi higanjemo abana


Iyi mibare ubutegetsi bwa Myanmar butangaza yatumye abaganga batagira umupaka (Medecins Sans Frontieres, MSF) bavuga ko ari ikigaragaza uko ubwicanyi bushobora kuba bwaragiye bukorwa na bamwe mu bategetsi ba Myanmar nabo badacana uwaka n’abaturage bo mu bwoko bw’aba- Rohingya.

Igisirikare cya Myanmar kivuga ko cyarimo kirwanya abitwaje iterabwoba, bityo kikavuga ko nta kibi cyakoze kititaye ko hari abagiye bagwa mu bitero.

Aba Rohingya barenga 647.000 bahungiye mu gihugu kibanyi cya Bangladesh kuva mu kwezi kwa munani nk’uko bivugwa na MSF.

PNG - 660.8 kb
Benshi mu mpunzi bamerewe nabi n’ubuzima


Iperereza ryakozwe n’ishyirahamwe ry’Abaganga batagira umupaka by’umwihariko banafasha abari mu kaga, ryasanze aba Rohingya 9.000 barapfiriye mu gihugu cya Myanmar, kizwi kandi ku izina rya Burma, hagati y’itariki 25 z’ukwezi kwa munani n’itariki 24 z’ukwezi kwa cyenda.

Bigaragara ko abashyika kuri 6.700 bazize intambara, harimo n’abana 730 bari munsi y’imyaka itanu.

PNG - 832.3 kb
MSF bavuga ko ibyo impuzi zaciyemo biteye ubwoba cyane


Mu minsi ishize igisirikare cyari cyatangaje ko abantu bashyika kuri 400 ari bo bishwe, benshi muri bo ngo bakaba bari Abayisilamu bitwaje iterabwoba.

Daniel MUKESHIMANA/umubavu.com


Travel for Free!


Tanga igitekerezo kuri iyi nkuru



Igitekerezo