USA : Nyuma yuko amugajwe n’impanuka, imbwa ye ayituma guhaha ikanamufasha mu mirimo yo mu rugo

Nyuma yuko aremajwe n’impanuka ndetse bikanamwangiza mu mutwe, umugore utaravuzwe amazina ye wo muri Leta Zunze Ubumwe za Amerika muri Leta ya Colorado kuri ubu asa n’utunzwe n’imbwa ye yitwa Colt kuko ari yo imufasha mu buzima bwe bwa buri munsi aho ayituma guhaha ndetse ikanamufasha mu mirimo yo mu rugo.

Uyu mubyeyi kuva mu mwaka wa 2012 ubwo yakoraga impanuka bikamuviramo kuremara amaguru byanatumye kuri ubu agendera mu kagare k’ababana n’ubumuga ndetse bikanamwangiza mu mutwe kuri ubu imbwa ye Colt niyo imufasha mu mirimo ku buryo butangaje kuko aho agiye hose iba iri kumwe na we.

PNG - 1.1 Mo
Colt, imbwa y’uyu mubyeyi imufasha mu mirimo ye yo mu rugo ndetse akanayituma guhaha


Iyi mwa Colt ibana na nyirabuja muri Leta ya Colorado, mu minsi ishize yafotowe n’abantu iri gudfasha nyirabuja guhaha aho yasunikaga igikoresho bahahiramo ikakigeza aho bishyurira amafaranga. Ku rukuta rwe rwa Facebook, nyirabuja w’iyi mbwa yagize ati “nyuma yuko ndemaye rwose nagize amahirwe akomeye kubana n’imbwa yange Colt kuko ubuzima bwari kunsharirira iyo ntayigira, sinari kwishima na gato iyo ntakugira Colt, ndagushimiye cyane”.

PNG - 1.1 Mo
Colt inafasha nyirabuja imirimo yo mu rugo


Colt kandi igendana na nyirabuja aho agiye hose kandi inamufasha muri byose. Igihe cyose ahagurutse agwa hasi kuko iyi mpanuka yagiriye mu bwato mu mwaka wa 2012 yasize n’ubwonko bwe bwangiritse bikomeye.

Iyi mbwa Colt ifasha uyu mubyeyi mu bintu byinshi birimo no guhaha. Iyi mbwa yabaye iy’umumaro cyane kuri nyirabuja kuko n’iyo agiye kugwa hasi igerageza kumukingira ntagwe ndetse ngo ikanamufasha kweguka mu gihe aguye hasi.

PNG - 838.3 ko
Aha Colt yarimo isunika icyo yahahiyemo


Aya makuru yose uyu mubyeyi yayatangaje ayanyujije ku rukuta rwe rwa Facebook avuga ko mu buzima bwe nyuma yo kumugazwa n’impanuka, iyi mbwa ye Colt yamubereye iy’umumaro cyane bityo ngo ikaba ikwiriye gukundwa cyane.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo