USA : Abantu 26 bahitanywe n’igitero abandi barakomereka I Texas

Muri Leta Zunze Ubumwe mu mugi wa Texas, abantu bagera kuri 26 baguye mu gitero abandi 20 barakomereka nyuma yaho umugabo afite imbunda yinjiriye mu rusengero rubarizwa i Texas ku munsi wok u cyumweru tariki ya 05 Ugushyingo 2017.

Icyo gitero cyagabwe ku rusengero rwa "First Baptist Church" ahitwa Sutherland Springs ahagana mu karere ka Wilson. Aba bantu bitabye Imana bari hagati y’imyaka 5 na 72.

PNG - 814.5 ko
Abantu benshi batwaye amabuji baje kunamira abahitanywe n’iki gitero ahitwa ahitwa Sutherland Springs


Ukekwa ko yaba ari we wagabye iki gitero yasanzwe mu modoka ye na we yapfuye hafi y’aho iryo bara ryabereye.

Igipolisi kivuga ko yari umuhungu wera akiri muto itangazamakuru rya Amerika rivuga ko ari uwitwa Devin Patrick Kelley w’imyaka 26 y’amavuko.

Kelley uvugwaho ko ari we wagabye iki gitero, yirukanywe mu gisirikare cyo mu kirere cya Amerika "US air force" mu mwaka wa 2014 nyuma yahoo ashinjijwe gukubita umugore we ndetse n’umwana we. Gusa kuri ubu ntiharamenyekana icyatumye akora ubu bwicanyi.

PNG - 752.5 ko
Devin Patrick Kelley mbere yo kwinjira mu rusengero yabanje kurasira urufaya rw’amasasu hanze y’urusengero


Umuyobozi ushinzwe umutekano mu mugi wa Texas, Freeman Martin yavuze ko uwagabye iki gitero yari yambaye imyenda y’umukara n’ikoti rimukingira amasasu akaba yararashishije imbunda yo mu bwoko bwa Ruger ari hanze y’urusengero igihe cyo mu ma saa 11:30 isaha yo muri ako karere nyuma aza kwinjira mu rusengero atangira kurasa abantu.

Nyuma yuko uyu mugabo agabye iki igitero avuye mu rusengero, umwe mu baturage yahise afata imbunda ye aramurasa ahita ahunga mu modoka ye. Uyu muturage yakurikiye uwo mugabo waje no guklora impanuka.

Prezida wa Leta Zunze Ubumwe za Amerika, Donald Trump uri mu ruzinduko ku mugabane wa Asia, yavuze ko uwo mugabo yakoze wagabye iki gitero ari umuntu ufite ikibazo cyo mu mutwe aho kandi yavuze ko atemeranya n’abavuga ko imbunda ziri mu baturage ari zo zikomeza gukoresha mu bwicanyi bugenda bwibasira igihugu cye.

Trump yagize ati "Hari abantu benshi bafite ibibazo byo mu mutwe mu gihugu cyacu bityo ibyo uyu mugabo yakoze ntitwabishyira ku kibazo cy’itunga ry’intwaro”.
Ubu bwicanyi bubayemu gihe hari hashize ukwezi kumwe undi mugabo agabye igitero i Las Vegas mu gitaramo cy’umuzika yica abantu 58 n’abandi benshi bakomereka.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo