U Bwongereza : Yagiye kwibera mu ishyamba kubera guhozwa ku nkeke n’induru y’umugore we

Malcolm Applegate w’imyaka 62 y’amavuko wo mu gihugu cy’u Bwongereza mu mugi wa Birmingham, nyuma yo kubona arembejwe n’induru n’urusaku by’umugore we bimuhoza ku nkeke ntasinzire yahisemo kwigira kwibera mu ishyamba.

Malcolm Applegate yafashe iki cyemezo cyo guhungira mu ishyamba akajya kwiberayo nyuma y’imyaka 3 yambikanye impeta n’umugore we nkuko abitangaza.
Uyu musaza ngo nta muntu n’umwe wo mu rugo cyangwa hanze yigeze abwira ko afite uyu mugambi ngo kuko atashakaga ko hari ubimenya bikaba byaburizwamo kandi yumva arembejwe n’induru y’umugore we kandi mu gihe kirekire bidakira. Malcolm Applegate yashakishijwe bikomeye n’umuryango we mu duce dutandukanye banafite ubwoba bakeka ko yaba yatabarutse.

PNG - 521.2 ko
Malcolm Applegate wahisemo kujya kwibera mu ishyamba kubera guhezwa ku nkeke n’induru y’umugore yishakiye


Malcolm Applegate yagize ati “numa yo kumva ndambiwe induru ye kandi ntashobora gukomeza kubyihanganira , nahisemo kwigendera musigira urugo rwe”. Uyu musaza yagiye nta n’uwo kubara inkuru yabwiye gahunda ye ngo kugira ngo uyu mugore we atabimenya akamukurikirana.

PNG - 1.1 Mo
Iri ni ishyamba Malcolm Applegate yiberagamo


Yamaze ibyumweru bitatu byose atembera ku igare rye nyuma aza no kugira ibyago bararimwiba aho yari ari. Ngo yagiye ahura n’abantu benshi mu ishyamba ashakisha uburyo yabaho bakagira ngo ni umusazi. Umuryango we wamaze igihe kitari gito umushakisha ariko ntiwamubona ukanakeka ko yaba atakiriho.

PNG - 605.6 ko
Malcolm Applegate


Nyuma yigihe kirekire uyu musaza aburiwe irengero yaje guhamagara umukobwa we amubwira ko ari muzima nta kibazo afite cyane ko yari anashaje.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo