U Bwongereza : Baguwe gitumo batangiye gusambanira mu bwiherero bw’indege

Bwa mbere mu buzima bwabo bahuriye mu ndege ya Boeing 747 ku kibuga cy’indege cya Gatwick giherereye mu magepfo ashyira uburasirazuba bw’igihugu cy’u Bwongereza yerekezaga mu mujyi wa Cancun wo mu gihugu cya Mexico, umusore n’umukobwa bafatiwe mu bwiherero batangiye gukora imibonano mpuzabitsina bakomwa mu nkokora n’abashinzwe umutekano wo mu ndege.

Uyu musore n’iyi nkumi bafashwe n’umwe mu bashinzwe umutekano muri iyo ndege barimo ari nawe wahise abahagarika ababaza niba bashaka kwangiza urugendo rw’iyi ndege n’ibikorwa bigayitse by’uburaya mu rugendo.

PNG - 636.6 ko
Uyu mukobwa n’umusore baguwe gitumo bagiye gusambanira mu bwiherero bw’indege nyamara bwari ubwa mbere bahuye


Daily Mail yanditse iyi nkuru ivuga ko aba bagenzi bari mu kigero cy’imyaka 20 bahuriye muri iyi ndege bwa mbere bagatangira gusomana aribwo imibiri yabo yabananiye bagahita berekeza mu bwiherero bikarangira bakomwe mu nkokora n’ushinzwe umutekano ubwo umusore yari atangiye gukuramo ipantalo.
Ubwo uyu musore yari amaze gufatwa yabwiye aba barinzi ko yari aherekeje uyu mukobwa wari urwaye undi nawe amubaza uko yabimenye kandi batagiye hamwe nibwo bahisemo kubahindurira imyanya baratandukana.
Ubwo uyu mukobwa yageraga aho yagombaga kwicara yateje akavuyo ndetse arwana n’undi mugore bari bicaranye byatumye ashyikirizwa inzego zishinzwe umutekano ubwo indege yari igeze muri Cancun.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo