U Bwongereza : Amaze imyaka 8 ashyingiranywe n’imbwa kubana akaramata

Muri iki gihe, hari ibintu byinshi biduca mu matwi hakaba n’ibyo tubona n’amaso yacu nyamara bimwe na bimwe tukumva ari nk’inzozi ndetse bitanashoboka nk’uyu mugore wo mu gihugu cy’u Bwongereza w’imyaka 43 witwa Wilhelmina Morgan Callaghan wahisemo gushyingiranwa n’imbwa kuri ubu bakaba bamaranye imyaka 8 yose nyuma yo kwambikana impeta mu mwaka wa 2009 ngo kandi kuri ubu bakaba babanye neza cyane.

Wilhelmina Morgan Callaghan avuga ko abantu batekereje ko ibyo yakoze byasaga n’ubusazi gusa we avuga ko icyemezo yafashe cyari gikwiriye.
Uyu mugore akomeza avuga ko iriya mbwa ayubaha cyane ndetse byaje gutuma ayiha akazina ka Ri bishatse kuvuga umwami ku kirimi cy’aho muri Ireland kuko ngo kuri we iriya mbwa ni nk’umwami we.
Uyu mugore avuga ko yagiye ahura n’ibibazo bitandukanye ariko ko bitigeze bimutandukanya n’umukunzi we ariyo iriya mbwa.Uriya mukecuru agakomeza avuga ko ajya anagirira ishyari/akayifuhira iriya mbwa iyo yagiranye agashungo n’inzindi mbwa z’imbwakazi ( imbwa z’ingore).
Mu gihugu cy’u Bwongereza ntibyemewe ko umuntu aryamana cyangwa ngo ashyingiranwe n’itungo ariko Wilhelmina Morgan Callaghan we yahawe n’icyemezo cya Leta cyo kubana akaramata n’iriya mbwa yitwa Henry Frederick Stanley Morgan.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo