U Bufaransa: Hagiye gushyirwaho itegeko ryemera gukorana imibonano mpuzabitsina n’abana b’imyaka 15

Guverinoma y’igihugu cy’u Bufaransa yagaragaje umushinga w’itegeko ryemerera abantu kuba bakorana imibonano mpuzabitsinda n’abana bafite imyaka 15, igihe cyose habayeho kubanza kubyumvikanaho.

Ubusanzwe u Bufaransa bufite itegeko rihana uwo ari we wese ukorana imibonano mpuzabitsina n’umwana uri munsi y’imyaka 15 ariko abashinjacyaha bagasabwa kugaragaza ibimenyetso ko iki gikorwa cyakozwe ku gahato.

Minisitiri ushinzwe uburinganire n’abagore mu Bufarasa, Marlene Schiappa, yatangaje ko bafashe umwanzuro wo gushyiraho imyaka 15 nk’iyemewe n’amategeko nyuma yo kubiganiraho n’inzego zitandukanye.

PNG - 457.7 kb
Uyu ni Minisitiri ushinzwe uburinganire n’abagore mu Bufarasa, Marlene Schiappa


AFP yanditse iyi nkuru ivuga ko uyu mushinga w’itegeko watanzwe nyuma y’ibirego byashinjaga abagabo gusambanya abana b’abakoba bafite imyaka 11, ababikoze bikarangira bahanaguweho icyaha cyo gufata ku ngufu.

Mu Ugushyingo umwaka ushize, umugabo w’imyaka 30 yahanaguweho icyaha cyo gufata ku ngufu nyuma y’uko urukiko rusanze umwana baryamanye atarigeze abihatirwa, cyangwa ngo hakoreshwe imbaraga, mu gihe undi ufite 28 we yahamijwe icyaha cyo kuryamana n’umwana utaruzuza imyaka y’ubukure.

Iri tegeko niriramuka ryemejwe, bizaba bisobanuye ko gukorana imibonano mpuzabitsina n’umwana uri munsi y’imyaka 15 bizajya bihanwa n’amategeko.

Biteganyijwe ko rizamurikirwa inama y’Abaminisitiri mu Bufaransa mu mpera z’uku kwezi.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo