Trump yiyemeje gukoresha ingufu za gisirikari yihorera ku bitero by’ubumara Syria ikomeje kugaba

Perezida wa Amerika Donald Trump yiyemeje ’gukoresha ingufu za Gisirikari’ mu kwihorera ku gitero kivugwa ko ari icy’ubumara cyagabwe na Leta ya Syria, mu gihe ibindi bihugu by’i Burayi byo bigitekereza ku ngingo zirimo n’ibihano bishobora gufatwa.

Aganira n’itangazamakuru, Donald Trump yagize ati "Dufise uburyo bwinshi bwa gisirikare twakoresha".

Yongeyeho ko ingingo yo kwishyura kuri icyo gitero iza gufatwa mu ’gihe gito cyane’.
Inkuru zivuga ko abantu mirongo baguye muri icyo gitero, ariko imibare nyayo kugeza ubu ikaba itaramenyekana.

Trump kandi yaganiriye ku byerekeye icyo gitero na mugenzi we w’u Bufaransa, Emmanuel Macron ku munsi wa mbere ku mugoroba, aho aba bategetsi bombi bemeranyijwe kwihorera kuri icyo gitero.

PNG - 583.1 ko
Uhagarariye Amerika muri ONU, Nikki Haley yavuze ko abashyigikiye igisirikare cya Syria bafite ’amaraso y’abana ba Syria’ mu biganza byabo.


Mnisitiri w’Intebe w’u Bongereza, Theresa May yavuze ko yamaganye yivuye inyuma icyo gitero cy’ububisha kivugwa ko ari icy’ubumara, anasaba ko abateye inkunga Bashar al-Assad babiryuzwa.

Amagambo yo kwamagana icyo gitego y’ibihugu by’i Buraya yakurikiye inama y’igitaraganya y’akanama ka ONU gashinzwe umutekano ku isi, aho Amerika n’u Burusiya bateranye amagambo kubera icyo gitero cyagabwe i Douma.

Uhagarariye Amerika muri ONU, Nikki Haley yavuze ko abashyigikiye igisirikare cya Syria bafite ’amaraso y’abana ba Syria’ mu biganza byabo.

PNG - 634.1 ko
Uhagarariye u Burusiya muri ONU, Vassily Nebenzia yavuze ko ikivugwa ko ari igitero cy’ubumara cyateguwe.


Madamu Haley yasabye ko hatorwa akanama kazajya gukora iperereza kuri iryo koreshwa ry’ibitwaro by’ubumara muri Syria byabaye ku munsi wa kabiri.
Icyakora u Burusiya bwo bwavuze ko budashobora gushyigikira iyo ngingo kuko harimo ibice bidashobora gushyigikirwa.

Daniel MUKESHIMANA@Umubavu.com



Tanga igitekerezo kuri iyi nkuru



Igitekerezo