Trump arasaba ko uwagabye igitero i New York anyongwa

Kuri uyu munsi tariki ya 02 Ugushyingo 2017 nibwo abacamanza bo mu mugi wa New York bahamije ibyaha Sayfullo Saipov, umwimukira ukomoka mu gihugu cya Uzbekistan washinjwaga gutegura no kugaba igitero cyahitanye abantu umunani muri Amerika. Sayfullo Saipov kandi anashinjwa gufasha umutwe w’iterabwoba wa Islamic State mu bikorwa byawo.

Avuga ku byaha Sayfullo Saipov ashinjwa, uwungirije umucamanza mukuru Joon Kim yavuze ko Saipov ashinjwa ibyaha bibiri bijanye n’iterabwoba.

PNG - 528.7 ko
Sayfullo Saipov wagabye igitero I New York


Icyaha cya mbere uyu mugabo ashinjwa ni ugutera ibikoresho byo gutegura ibitero by’iterabwoba ku mutwe wa Islamic State naho icyaha cya kabiri ni uguteza impagarara aho byatumye imodoka zitabasha gutambuka ari nayo ntandaro yatumye bamwe bahasiga ubuzima abandi bagakomereka.

PNG - 787.9 ko
Aha niho Sayfullo Saipov yagabye igitero
PNG - 912.9 ko
Abashinzwe umutekano barimo batabara abakomerekejwe n’iki gitero


Prezida wa Amerika Donald Trump ari kumwe n’abo bafatanyije Leta ye, yavuze ko agiye gufata ingingo zihuse zijyanye n’uburyo abantu binjira muri Amerika uko bishakiye.

Prezida Trump kandi ashaka ko hafatwa ibihano bikakaye ku bantu bahamwe n’icyaha cy’iterabwoba nk’iki cyabereye i New York akifuza kandi ko by’umwihariko bihera kuru uyu mugabo akaba yahanishwa igihano cyo kwicwa anyonzwe kugira ngo bibere isomo n’undi wese.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo