RDC: Ibiro by’umukuru w’igihugu birahakana amakuru avuga ko azongera kwiyamamaza

Ibiro bya perezida wa Republika iharanira demokarasi ya Kongo kuri uyu wa mbere, byabeshyuje ko Perezida Joseph Kabila azongera kuba umukandida mu matora y’umukuru w’igihugu mukwacumi n’abiri.

Ibyo biro byatangaje ko ari inkuru itari ukuri yahanahanywe ku mbuga nkoranyambaga. Iyo nkuru ivuga ko Kabila yaba ari mu bakandida baziyamamariza kongera kuba umukuru w’igihugu ku italiki 23 z’ukwezi kwa cumi na kabiri. Ayo matora ateganya guhitamwo uzamusimbura. Jean Pierre Kambila, umuyobozi w’imirimo mu biro bya perezida, yatangaje ko iyo nkuru ari ibinyoma.

Manda ya kabiri ari nayo yanyuma Perezida Kabila yarangiye kuwa 20 mu ukwezi kwa cumi na kabiri mu mwaka wa 2016. Itegeko nshinga ribuza umukuru w’igihugu kongera kwiyamamaza. Perezida Kabila ari ku butegetsi kuva mu mwaka wa 2001, ntacyo aravuga ku migambi ye y’ahazaza he muri politike.

Amatora y’umukuru w’igihugu yari ategenyijwe kuba mu kwezi kwa cumi na kabiri mu mwaka wa 2016 yigijweyo gugeza mu mpera z’umwaka wa 2017 imbere y’uko yigizwayo kandi kugeza ku italiki 23 z’ukwezi kwa cumi na kabiri muri uyu mwaka wa 2018.

Ijwi ry’Amerika ari naryo dukesha iyi nkuru rivuga ko Republika iharanira demokrasi ya Kongo ifite ibibazo byishyi bya politike bituruka ku ngingo ya Prezida Kabila yafashe yo kuguma kubutegetsi kugeza ubu akaba ataratangaza ko atazongera kwiyamamaza.


Travel for Free!


Tanga igitekerezo kuri iyi nkuru



Igitekerezo