Umugabo yatawe muri yombi i Munich nyuma y’igitero

Polisi mu Budage yataye muri yombi umugabo mu mujyi wa Munich nyuma y’uko abantu bane bakomerekejwe n’uwabagabyeho igitero akoresheje icyuma.

Polisi ivuga ko ukekwa yigabye ku bagabo batanu n’umugore umwe mu gace ka Rosenheimer Platz ariko ahusha abo yari agambiriye.

Umuvugizi wa polisi avuga ko uwatawe muri yombi asa cyane n’ibimenyetso byatanzwe n’abari ahabereye igitero.

Biravugwa ko ukekwa yatangiye kwibasira abantu bagendaga n’amaguru ahayinga saa 06:00 ku isaha yo mu BUdage (08:00 Isaha mpuzamasaha ya GMT).

JPEG - 57.8 ko

Umuvugizi wa polisi yo mu mujyi wa Munich, marcus da Gloria Martins yagize ati :

"Twataye muri yombi umuntu usa cyane n’ibimenyetso byatanzwe, ariko ntidushobora kwmeza niba ari we wagabye igitero."

martins yongeyeho ko polisi itashoboye kumenya impamvu yateye igitero. Nta n’umwe wakomeretse bikomeye mu batewe.

Abari bahari basobanuye umugabo wagabye igitero nk’uri mu kigero cy’imyaka 40, ufite ubwanwa, wambaye ipantalo y’ikijuju n’ijaketi y’icyatsi ahetse agakapo n’umusaswa wo kuryamaho.

Polisi ivuga ko yahunze ari ku igare.

JPEG - 42.6 ko



Tanga igitekerezo kuri iyi nkuru



Igitekerezo