Perezida Trump ashobora gukuraho Tombola ya Green Card

Perezida wa Leta Zunze Ubumwe za Amerika, Donald Trump yasabye abadepite ba Amerika guhagarika itegeko ritanga uburenganzira bwo kwinjira muri Amerika biciye muri porograme ya Diversity Visa. Iyi programe isanzwe iha uburenganzira abanyamahanga kwimukira muri Amerika kubayo no gukorerayo.

Prezida Trump avuga ko ari mu gihe abakekwa mu gitero cy’iterabwoba cyagabwe i New York mu cyumweru gishize binjiye mu gihugu biciye muri iyo programe isanzwe izwi nka “Green Card Lottery”.

PNG - 786.8 ko
Iyi ni ikarita ihabwa uwamaze kwemererwa muri iyi tombola


Trump yagize ati “Uyu mugambi wa Leta uha abanyamahanga viza atari uko babikwiye ariko bahabwa izo viza kubera batowe mu buryo bwa tombola iba buri mwaka kandi aba bantu bakina iyo tombola ahanini si ababa bagize icyo bafite gihambaye mu bihugu byabo”.

Trump avuga ko iyi programe ituma havuka ibibazo by’umutekano w’igihugu ayoboye.
Ntibiramenyekana niba inyeko y’Abadepite igiye guhita itangira kwiga ingingo y’iki kibazo mu bihe bya vuba. Ibi nabyo bikazava mu bitekerezo bitandukanye birimo ubushake bwa politike n’ibindi bibazo bikomeye Leta yashize imbere muri iki gihe.

Kuri ubu amahirwe yo kubona Green Card itanga uburenganzira bwo kuba muri Leta Zunze Ubumwe za Amerika yaratangiye kuva mukwezi kwa cumi.

Imyanya ibihumbi 50 niyo iteganyirijwe abazagira amahirwe muri iyi tombola yo kwinjira muri Amerika mu mwaka wa 2019.

Iyi tombola biteganyijwe ko irangira ku itariki ya 7 Ugushyingo 2017. Abazatsinda bazamenyekana mu kwezi kwa gatanu 2018.

Ku bipfuzaga gusiganwa n’igihe cyatanzwe dore ko binarangira uyu munsi murasabwa kureba amahirwe hanyuzwe ku rubuga rwa internet rwa Minisiteri y’Ububanyi n’amahanga ari rwo www.dvlottery.state.gov, ari naho muzasanga ibisabwa byose.

Mu gihe Leta ya Donald Trump ishyigikiye ko iyi tombola yovanwaho, iyi nshuro ishobora kuba ari iya nyuma, mu gihe itegeko riyikuraho ryaramuka ryemejwe n’abadepite.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo