Ni igitangaza ! Umwana ahindukiza umutwe we ukareba inyuma

Sameer Khan w’imyaka 14 y’amavuko wo mu gihugu cya Pakisitani yakuye abantu imitima nyuma yuko bamubonye abasha guhindukiza umutwe we akabasha kureba inyuma ye nkuko areba imbere nta kibazo na kimwe agize.

Uyu mwana ngo yatangiye imyitozo agifite imyaka 6 gusa ari byo byamufashije kubasha guhindukiza umutwe we ukareba inyuma ku buryo budasanzwe cyane ko nta muntu numwe wakumva ko ibi bintu byashoboka.

Iyo uyu mwana ahindukije uyu mutwe we ukareba inyuma ugira ngo niho imbere icyakora ukamenya ko ari kureba inyuma ari uko ubonye bimwe mu bice bye by’umubiri bisanzwe biba imbere byo bitahindutse.

PNG - 684 ko
Sameer Khana uhindukiza umutwe we ukaba wagira ngo asanzwe arebera inyuma


Uyu mwana avuga ko buri munsi akoras imyitozo imushoboza guhindukiza umutwe we nubwo buri muntu yakwibaza ubwoko bw’imyitozo akora gusa avuga ko ari imyitozo ngororamubiri isanzwe.

Si umutwe gusa Sameer Khana ahindukiza kuko n’ijosi rye ashobora kurihindukiza ku buryo wabonamo degre 360 mu gihe ku ijosi ho usangamo degree 180.

Uyu mwana afite gahunda yo kuzajya mu gihugu cy’u Bwongereza gukomeza kwagura iyi mpano ye akajya akina mu mafirimi atandukanye cyane cyane yo gususurutsa abantu.

Biturutse kuri iyi mpano ye, Sameer Khana abasha gufasha umuryango we mu buryo butandukanye mu gihe yabonye abantu bamuha amafaranga agahindukiza uyu mutwe we dore ko bias nk’igitangaza.

Yagize ati “iyo nsusurukije abantu kuri iyi mpano yange, bampa amafaranga hagati ya 100,000 na 150,000 (mu manyarwanda) ku gihe cy’ukwezi bikamfasha kubaho n’umuryango”.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo