Mukuru wa Messi ashobora gufungwa imyaka igera kuri 6 yose

Umuvandimwe wa Lionel Messi, Matias Messi w’imyaka 35 yatanywe imbunda yo mu bwoko bwa Pisitori mu bwato bwe atunze mu buryo bunyuranye n’amategeko y’igihugu cya Argentina. Iyi mbunda ndetse n’ubu bwato akoresha mu marushanwa, byasanzwe byuzuyeho amaraso kugeza ubu bivugwa ko yaba yaraturutse ku mpanuka yakoze mu marushanwa yo kugendesha ubwato. Mu gihe yahamwa n’icyaha cyo gutunga intwaro binyuranyije n’amategeko y’igihugu ashobora gufungwa hafi imyaka 6.

Learn how to Thrive

Global Publishers dukesha iyi nkuru banditse ko Matias Messi yafatiwe mu gace ka Rosario mu burengerazuba bw’igihugu cya Argentina ubwo yarimo avurwa ibikomere bitandukanye yari yagiriye mu marushanwa y’ubwato.

PNG - 664.7 kb
Uyu ni Matias Messi, mukuru wa Lionel Messi


Matias Messi yavuze ko yakomeretse ku ijosi, ku mazuru ye ndetse akanagira ibikomere ahantu hatandukanye ku mubiri we nyuma yo kugongesha ubwato bwe ku musozi ubwo bari mu marushanwa yo gutwara ubwato mu mugezi wa Panama.

PNG - 746.7 kb
Ubwato bwa Matias Messi bwasanzwemo amaraso


Nyuma yuko yambutse avuye mu mazi, nibwo yafatanywe iyi mbunda mu bwato bwe nayo yuzuyeho ibitonyanga by’amaraso ubwo yari arimo avurirwa ku nkombe z’umugezi wa Panama.
Aya makuru yamenyekanye cyane nyuma yuko ibinyamakuru bitandukanye byo muri Argentina bishyize hanze amafoto y’ubu bwato bwuzuyeho amaraso buri ku nkombe ya Fighiera iherereye hafi y’urugo rwa Matias Messi ahasanzwe hambukira abarobyi b’injanga.
Si ubwa mbere uyu muvandimwe wa Lionel Messi, Matias Messi afatanwa intwaro kuko no mu mwaka wa 2015 yashyizwe mu gihome igihe kigera ku masaha 16 yose azira gufatanwa imbunda zigera kuri 22 zose mu modoka ye kandi atazifitiye uruhushya. Uyu mugabo kandi no mu mwaka wa 2008 yafatanywe indi mbunda yari yambariyeho nkuko amakuru akomeza abivuga.

PNG - 1 Mb
Lionel Messi na mukuru we Matias Messi


Ku ruhande rw’umuryango wa Matias Messi n’umunyamategeko wabo ubunganira, Ignacio Carbone ibi byose bari babiteye utwatsi bavuga ko nta ntwaro yafatanywe ko ahubwo byari ibihimbano by’igipolisi.

Aya makuru yuko Matias Messi afite imbunda, yamenyekanye nyuma yuko bamwe mu baturage bamusanze ku nkengero z’umugezi wa Panama afite ibikomere mu birometero hafi 20 uvuye mu gace ka Rosario.

Umuyobozi w’ibitaro Matias Messi yivurijemo , Carlos Lovesio we yavuze ko uyu mugabo yabazwe ku itako, ku mazuru ye ndetse n’ibindi bice by’umubiri we bitandukanye byakomeretse

Mu gihe Matias Messi yaba ahamwe n’iki cyaha cyo gutunga intwaro mu buryo butemewe n’amategeko y’igihugu cya Argentina, yafungwa igifungo kigera ku myaka 6 nkuko igitabo cy’amategeko ahana y’igihugu abiteganya.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo