Mu nkundura ikomeye y’amatora, abashigikiye kwigenga kw’intara ya Catalogne batahukanye intsinzi

Amashyaka ashyigikiye ukwigenga kw’intara ya Catalogne yo mu gihugu cya Espagne birangiye atahukanye intsinzi mu nkundura y’amatora yaraye abaye.

Mu gihe hakomeje igikorwa cyo kubarura amajwi, bigaragara ko amashyaka yifuza ubwigenge bw’intara ya Catalogne ari yo aza imbere nubwo yatakaje imwe mu myanya yo mu Nteko Nshingamategeko.

PNG - 711.5 ko
Amashyaka ashyigikiye kwigenga kw’intara ya Catalogne niyo yegukanye intsinzi mu matora yabaye ejo


Ibikomeje gutangazwa byavuye muri ayo matora uko biri kose si inkuru nziza kuri Minisitiri wa mbere wa Espagne Mariano Rajoy wateye utwatsi ubwigenge bw’iyo ntara anahamagaza ayo matora.

PNG - 590 ko
Uwahoze ari umuyobozi wa Catalogne Carles Puigdemont yahungiye I Bruxelle


Carles Puigdemont wahoze ari umuyobozi w’intara ya Catalogne, aho ari mu buhungiro mu gihugu cy’u Bubiligi mu mugi wa Bruxelle, yashimye ibyavuye muri ayo matora, avuga ko ari intsinzi ya demokrasi ashingiye ko n’abantu benshi bayitabiriye.

Yavuze kandi ko imibare y’abatoye ari cyo cyatumye haboneka amajwi menshi kandi ko ntawushobora guhakana ibyavuye muri aya matora yabaye ku mugaragaro.

Nyuma y’aya matora, ikibazo gikomeye gisigaye ni ukumenya niba hagati y’izo mpande zombi ibyavuye muri aya matora bizafasha mu gukemura ibibazo bya politiki biri hagati y’intara ya Catalogne na Leta Madrid itarahwemye kugaragaza ko idashyigikiye ubwigenge bw’iyi ntara.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo