Leta ya Catalogne yateye utwatsi icyemezo cyo gukurikiza amategeko avuye I Madrid

Abayobozi b’intara ya Catalogne batangaje ko batazakurikiza amategeko avuye muri Leta ya Espagne mu gihe baba bafashe ingingo yo kuyobora iyi ntara, nk’uko bivugwa n’umwe mu bategetsi bakuru bayo.

Umuvugizi wa Minisiteri y’Ububanyi n’amahanga Raul Romeva yabwiye BBC ko Leta ya Madrid irimo yirengagiza ugushaka kw’abaturage.

PNG - 889.5 ko
Aba ni abashyigikiye ukwigenga kw’intara ya Catalogne ubwo bumvaga ijambo ry’umuyobozi wayo Carles Puigdemont


Minisitiri w’intebe wa Espagne Mariano Rajoy yavuze mu ijambo rye ko umugambi wo kwigenga kw’iyi ntara ntaho ugaragara mu Itegeko Nshinga ry’igihugu cya Espagne bityo ko nta ngingo n’imwe yirengagijwe.

Amashyaka amwe n’amwe yo kugeza ubu yifuza yipfuza ubwigenge bw’intara ya Catalogne ngo cyane ko uyu munsi biteguye gufata ingingo zimwe na zimwe ntakuka ku bwigenge bwabo.

Byitezwe ko Inteko Nshingamategeko ya Espagne yemeza ingingo za Leta zafashwe ku munsi wa gatanu zirimo no gutegura amatora mashya y’uturere.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo