Koreya ya Ruguru ishobora gufatirwa ibindi bihano bikaze

Leta Zunze Ubumwe za Amerika zitangaza ko ziteguye gufatira ibindi bihano Koreya ya Ruguru mu gihe yahirahira ikongera kugerageza ikindi gisasu kirimbuzi cyo mu bwoko bwa Nucleair.

Ibi byavuzwe na Ambasaderi wa Leta Zunze Ubumwe za Amerika muri ONU, Nikki Haley ku munsi wa kabiri.

Haley avuga ko hari amakuru avuga ko Koreya ya Ruguru iri mu myiteguro yo kugerageza indi misile, ati "mu gihe ibi byaramuka bibaye, ntakabuza ibindi bihano byahita bikurikiraho".

Ambasaderi Haley avuga kandi ko amahanga akwiye gushyira hamwe kandi agashakira hamwe ikintu cyose cyatuma iki gihugu kidakomeza kwibikaho ibitwaro bya kirimbuzi.

Mu mwaka ushize wa 2017, ONU yafatiye iki gihugu ibihano by’ubutunzi inshuro eshatu zikurikirana bisabwe na Amerika, ibihano birimo gutera ibibazo bikomeye ku butunzi bwa Koreya ya Ruguru ariko igakomeza kuvunira ibiti mu matwi itegura igeragezwa ry’ibindi bitwaro by’ubumara.

PNG - 337.7 kb
Perezida wa Koreya ya Ruguru, Kim Jong Un araba uburyo Misile yoherezwa mu kirere

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo