Koreya y’Epfo : Resitora zateye utwatsi ibyo kutazateka inyama z’imbwa mu mikino Olimpiki

Mu gihe mu gihugu cya Koreya y’Epfo hagiye kubera imikono Olimpiki (Olympic games) izitabirwa n’abazaturuka imihanda yose y’isi, Leta iki gihugu yasabye abateka muri za resitora kutazagabura inyama z’imbwa ariko babitera utwatsi.

Resitora 12 zikomeye cyane ndetse zinazwiho kugabura inyama z’imbwa mu mujyi i Pyeongchang, zari zasabwe kuba zihagaze kugabura izo nyama, ebyiri zonyine nizo zubahirije iri tegeko.
Leta yatanze iri tegeko mu gihe habura amasaha makeya gusa ngo imikino Olimpiki itangire aho abakinnyi basaga 3000 bazaturuka mu bihugu 92 bakaba aribo bitezwe muri iki gihugu cya Koreya y’Epfo.

PNG - 896.2 ko
Imikino Olimpiki izaba irimo abantu batandukanye bose batahurira ku kaboga k’imbwa


Guverineri w’umujyi wa Pyeongchang, Lee Yong-bae yatangarije AFP ko bamwe mu bayobozi z’amaresitora banze guhagarika kugaburira inyama z’imbwa abashyitsi bitabiriye imikino Olympic, bavuga ko ari ugushaka kubangamira imikorere yabo, mu gihe izi nyama zajyaga zibinjiriza agatubutse.

PNG - 712.3 ko
Bamwe mu bafite za Resitora bavuga ko ari ugushaka kubangamira imikorere yabo


Akavuga ko hari n’abakiriye neza iri tegeko, bakaba bahagaritse guteka izi nyama. Bitewe n’igihugu n’umuco wacyo, hari ibihugu bimwe usanga abaturage babyo bafata inyama z’imbwa nk’imari, mu gihe ahandi yazifata nk’ikizira.

PNG - 1.1 Mo
Muri Koreya y’Epfo guteka akaboga k’imbwa ni nk’umuco

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo