Kenya : Mushiki wa Raila Odinga arashinjwa guteza imvururu mu gihugu

Umucamanza mukuru muri Kenya avuga ko mushiki wa Odinga (umukuru w’ishyaka NASA n’amashyirahamwe bitavuga rumwe na Leta) ari we Ruth Odinga ashinjwa imidugararo mu gihugu cya Kenya nyuma y’ibitero byagabwe ku bakozi b’akanama gashinzwe gutegura amatora IEBC.

Ruth Odinga ngo asanzwe ari icyegera cy’umukuru w’intara ya Kisumu nayo ishinjwa iki cyaha cyo guteza imidugararo mu gihugu bafatanyije ari kumwe n’umudepite Fred Outa.

PNG - 420.4 ko
Ruth Odinga, mushiki wa Raila Odinga

Mu cyumweru gishize abari mu myigaragambyo baburijemo ibikorwa byinshi byari byateguwe n’akanama gashinzwe gutegura amatora muri iyo ntara ya Kisumu yiganjemo abayoboke ba Raila Odinga.

Byari byitezwe ko Odinga yiyamamaza mu matora y’umukuru w’igihugu ateganyijwe gusubirwamo ku wa kane tariki ya 26 Ukwakira 2017 ahanganye na Uhuru Kenyatta ariko kuri ubu Odinga akaba yaramaze kuyivanamo mu ntangiriro z’uku kwezi avuga ko ayo matora ashobora kutaba mu mucyo no mu bwisanzure. Imyiteguro y’aya matora irakomeje nubwo ari mu bihe bikomeye ku gihugu cya Kenya.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo