Kenya : Inzuki ziraye mu bigaragambya

Mu gihugu cya Kenya, inzuki zateye mu nama y’abayoboke b’ishyaka rya Jubilee mu karere ka Taita- Taveta kari ku birometero 360 uvuye mu mugi wa Nairobi nkuko byatangajwe n’ikinyamakuru The Standard.

Abayoboke b’iri shyaka bose bahise bahunga ubwo izo nzuki zabakwiragamo ariko nyamara nyuma ziburirwa irengero mu gihe umwe mu banyapolitike wari aho yahise asenga ashima Imana ko izi nzuki zigiye.

Umupolisi yageragezaga gutabara uyu muntu wari watewe n’inzuki imbere y’urukiko rukuru rwa Kenya

Abanyepolitike bavuze ko ari nka shitani yateye muri iri huriro ryarimo ribera mu gace ka Wundanyi rihamagajwe mu gufata mu mugongo Perezida Uhuru Kenyatta mbere yuko hasubirwamwo amatora ku tariki ya 26 z’ukwezi kwa cumi.
Urukiko rukuru rwa Kenya rwatesheje agaciro itsinzi ya Perezida Uhuru Kenyatta yari yabonye atsinze uwo bari bahanganye mu matora ari we Raila Odinga mu matora yari yabaye ku itariki ya 8 z’ukwezi kwa munani ruvuga ko ayo matora yabayemo amakosa menshi ndetse n’uburiganya.
Izi nzuki si ubwa mbere zibasira abantu kuko n’ubundi ziheruka gutera abapolisi ndetse n’abantu bigaragambyaga imbere y’aho urukiko rukuru rwa Kenya rukorera mu murwa mukuru wa Nairobi ubwo abacamanza barimo basoma urubanza rwo gutesha agaciro ibyari byavuye mu matora ku itariki ya 20 ukwezi kwa munani.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo