Indonezia : Umugore yishe nkana itegeko ribuza kwambara ipantaro, Polisi irabimuryuza

Mu gihugu cya Indonesia mu gace kitwa Banda Aceh, Polisi ntiyoroheye umugore nyuma yuko imufashe yambaye ipantaro kandi amategeko y’agace ka Banda Aceh kabarizwamo abasilamu benshi katemerera abagore kwiyambarira uko biboneye batambaye imyenda yabo yabugenewe nkuko iri tegeko ryashyizweho mu mwaka wa 2001.

Ubwo abapolisi bo mu gace ka Banda Aceh barimo bagenzura abantu batubahiriza amategeko cyane cyane ajyanye n’iyubahirizwa ry’imyambarire ya Kisilamu mu gace ka Banda Aceh, yafashe umugore wiyambariye uko yishakiye yirengagije nkana imyambaro igenwa n’amategeko y’agace abarizwamo.

PNG - 942.9 ko
Polisi itoroheye uyu mugore wari kuri moto yiyambariye ipantaro


Ifoto ya Polisi n’uyu mugore wo mu gace ka Banda Aceh batoroheranye yagaragaye ku mbuga nkoranyambaga aho yaziwaga kwambara ipantaro kandi yirengagije nkana amategeko abagenga by’umwihariko muri aka gace kabarizwamo abayisilamu benshi.
Ubusanzwe ngo mu gihugu cya Indonesia mu duce tumwe na tumwe cyane cyane utubarizwamo abayisilamu benshi ntibyemewe kwambara imyenda yegereye umuntu cyane ndetse n’amapantaro by’umwihariko ku bagore n’abakobwa b’abasilamu ari nacyo cyatumye hashyirwaho amategeko abigenga. Umuntu ufashwe na Polisi ishinzwe kugenzura ibi ahita ajyanwa mu nkiko akabijyuzwa.

Mu gushyira mu bikorwa neza iki cyemezo cyafashwe, igihugu cya Indonesia cyashyizeho Minisiteri ishinzwe guhuza ibikorwa bya gikirisitu (Ministry of Religious Affairs), mu bihano bigenerwa uwafashwe yishe amategeko nkana harimo gufungwa ndetse no gucibwa ihazabu.

PNG - 1 Mo
Uyu mugore yategetswe gukenyera kugira ngo ahishe ipantaro yari yambaye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo