Iminsi mikuru isize igipolisi cya Irani cyivuganye abantu 9

Mu gihe abandi biteguraga kwishimira ko basoje umwaka 2017 mu mahoro, abantu icyenda bishwe mu ijoro ryo ku munsi wa 6 w’icyuweru gishize mu gihe habagaho guterana mu mitwe hagati y’abari mu myigaragambyo n’abashinzwe umutekano mu gihugu cya Irani nk’uko bivugwa n’ibinyamakuru bya Leta.

Aba bantu 9 bapfiriye hagati mu Karere ko hagati mu gihugu ka Isfaha, imibare yaniyongereye ikagera ku bantu 22 bose bahitanywe n’imvururu hagati y’abaturage n’igipolisi cya Irani.

Abari mu myigaragambyo bagera kuri batandatu barapfuye mu cyiswe igerageza ryo kwiba imbunda ku birindiro by’igipolisi.

Mu kandi gace, bivugwa ko umwana w’umuhungu w’imyaka 11 n’undi mugabo umwe biciwe mu myigaragambyo ndetse n’umusirikare umwe.

Imyigaragambyo ikomeje kubera mu migi imwe n’iwe niyo ikomeye cyane kuva habayeho iyamaganwa ry’ibyari byavuye mu matora y’umukuru w’igihugu yo mu mwaka wa2009.

Iyi myigaragambyo yatangiye ku munsi wa kane mu mugi wa Mashahad, ubwo abigaragambyaga bamaganaga izamuka ry’ibiciro na ruswa ikomeje kuvuza ubuhuha byanatumye ibintu bikomeza kujya irudubi hose abaturage bamagana Leta iriho ubu. Kuri ubu abantu amajana n’amajana bamaze guhagarikwa mu mirimo yabo.

Perezida Hassan Rouhani avuga ko abantu bari mu myigaragambyo ari "ba ntacyo bitwaye, kuko nta bwoba bateye", ariko akaba yiyemeje guhashya abarenga ku mategeko bose.

Kuri ubu, Amerika yo yamaze kuvuga ko ishyigikiye cyane abari mu myigaragambyo igamije ko ibintu byahinduka mu gihugu.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo