Ikibumbano kigaragaza Perezida Trump yambaye uko yavutse cyaguzwe akayabo

Ikibumbano kigaragaza ishusho ya Donald Trump yambaye ubusa, cyaguzwe mu cyamunara Amadolari ya Amerika agera ku 28000, gitwarwa n’uwitwa Zak Bagans agamije kugishyira mu nzu ndangamurage ye yitwa ‘Haunted Museum’.

Kuri uyu wa Gatatu nibwo byatangajwe ko iki kibumbano kitavuzweho rumwe ariko kikarindwa ku buryo cyari kitarangizwa, cyaguzwe 28000 $, ni ukuvuga asaga miliyoni 24 Frw mu imurikagurisha riba kabiri mu mwaka.

PNG - 997.1 kb
Iki kibumbano kigaragaza Perezida wa Leta Zunze Ubumwe za Amerika, Donald Trump yiyambariye uko yavutse nicyo cyaguzwe akayabo ka 28, 000 $ mu cyamunara


Ibindi bibumbano bine byari biteye nk’iki bigaragaza Trump byagiye byangizwa cyangwa se bigafatirwa.

Sputniknews yatangaje ko muri Werurwe ikigo gitegura imurikagurisha cyagurishirijwemo cyari cyatangaje ko iki kibumbano cyiswe “The Emperor Has No Balls” gishakwamo hagati ya 20,000 $ na 30,000 $.

PNG - 956.1 kb
Iki kibumbano kigaragaza Perezida Trump yambaye ubusa nicyo cyari gisigaye kuko ibindi byagiye byangizwa cyangwa se bigafatirwa


Muri Kanama 2016, icyo kibumbano cyagaragajwe mu bice bitandukanye bya Leta Zunze Ubumwe za Amerika, harimo Los Angeles, San Francisco, New York, Seattle na Cleveland, bituma kirushaho guhangwa amaso n’abantu batandukanye.
Zak Bagans wakiguze yavuze ko afite intego yo kugishyira mu nzu ndangamurage ye ya ‘Haunted Museum muri Las Vegas’, nk’uko ikigo cyakoresheje iyo cyamunara cyabitangaje.

Ibibumbano byagaragaje Donald Trump mu ishusho yambaye ubusa muri Kanama 2016, igihe yari umukandida w’ishyaka ry’aba-Républicains mu matora y’Umukuru w’Igihugu.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo
niyitegeka Kuya 6-05-2018

Birababajekabiza abacyikosebahanwe

jean Kuya 6-05-2018

Ndabakunda bahaNga fsabook