Hadutse Resitora yakira abiyambariye uko bavutse gusa

Ni mu gihugu cy’u Bufaransa mu murwa mu murwa mukuru Paris, mu Majyepfo y’Uburengerazuba bw’iki gihugu ku muhanda wa 9 ahitwa Gravelle aho umuhungu n’umukobwa b’impanga bombi b’imyaka 42 y’amavuko bafashe icyemezo cyo gutangiza ku mugaragaro Resitora izajya yakira abantu bambaye ubusa buri buri gusa. Iyi Rersitora yahawe izina rya ‘O’ Naturel Restaurant’ ngo ntawuzaba wemerewe kuyigana atambaye nk’uko yavutse.

Uko bukeye nuko bwije hirya no hino ku isi hagenda havugwa inkuru z’ibintu bitangaje ndetse bitigeze kubaho mu bihe bya kera ibyo bamwe bagenda bita ibyo mu minsi ya nyuma ariko noneho ibi byo bije ari agahomamunwa aho aba bana bo mu Bufaransa b’impanga (umuhungu n’umukobwa), Mike na Stephane Saada bafashe icyemezo cyo gutangiza ku mugaragaro iyi Resitora izajya yakira abantu biyambariye ubusa gusa.

Kimwe nk’uko n’izindi Resitora zisanzwe zikora,iyi Resitora nayo izajya ikora mu minsi yo ku wa Kabiri kugeza ku wa Gatandatu, aho icyo kurya no kunywa ku bantu baje ari umuryango kizajya kiba gihagaze ama Euros 40, ni ukuvuga agera kuri 4 036 929 z’amafaranga y’u Rwanda.

PNG - 617.1 ko
Imbere mu nyubako ya ‘O’ Naturel Restaurant’ izajya yakira gusa abambaye uko bavutse


Baganira na Le Parisien dukesha iyi nkuru, Mike na Stephane Saada bashinze iyi resitora bavuze ko ku mugoroba wo kuri uyu wa Kane tariki 23 Ugushyingo ari bwo bakora ibirori by’akataraboneka byo kwishimana n’Abafaransa bibumbiye muri ‘Paris Naturarist Association’ ari nabo babafashije mu gufungura iyi Resitora.

PNG - 793.7 ko
Aba ni abakiriya ba mbere bayifatiragamo icyo kurya no kunywa biyambariye uko bavutse ndetse bafite akanyamuneza nkuko bigaragara


Aba bana b’impanga kandi bavuze ko kugeza ubu hari abantu benshi babijeje ko babashyigikiye cyane ko bajya kugira iki gitekerezo byatangiye ubwo bateguraga ibirori byo mu muhezo nabyo byari byitabiriwe n’abambaye ubusa buri buri.

PNG - 801.8 ko
Aba ni bamwe mu bakozi b’iyi Resitora ije idasanzwe


Hafi miliyoni 2.6 z’Abafaransa nibo bamaze kugira umuco wo kwambara ubusa ndetse banageze ubwo bashyiraho amashyirahamwe arengera umuco wabo wo kwambara ubusa mu ruhame kugeza n’ubwo bafunguye Resitora ya mbere izajya ihuriramo abambaye ubusa.

Iki gitekerezo cyo gushinga iyi Resitora ntigishyigikiwe na bamwe mu Bafaransa gusa kuko hari n’indi mijyi nka London, Tokyo irimo abantu bagaragaje ko babashyikikiye ko bazanabafasha kumenyekanisha iyi Resitora ku rwego rwo hejuru.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo