Espagne : Abayobozi 2 batawe muri yombi bazira gushyigikira ukwigenga kw’intara ya Catalogne

Umucamanza wo mu gihugu cya Espagne yategetse ko Jordi Sánchez na Jordi Cuixart bafungwa cyane ko aba bagabo ari bamwe mu bayobozi babiri bakomeye bashigikiye ukwigenga kw’intara ya Catalogne.

Jordi Sánchez na Jordi Cuixart, bari ku ruhande rw’abashyigikiye ubwigenge bw’intara bayoboye, bari bamaze iminsi barahagaritswe ku mirimo yabo ndetse badafite uburenganzira bwo kurekurwa badatanze ingwate mu gihe bari bagikorwako iperereza. Ipfungwa ry’aba bagabo ryatumye haba imyigaragambyo mu gihe cya nijoro, mu gihe hitezwe indi ikaze kuri uyu wa kabiri.

PNG - 692.4 ko
Jordi Sánchez (iburyo) na Jordi Cuixart (ibumoso) bitabye ubutabera I Madrid kuri uyu wa mbere


Aba bagabo ni bo bari bayoboye abandi mu matora ya kamarampaka yabaye ku itariki ya 01 Ukwakira 2017 yo kwigenga kw’intara ya Catalogne aho Espagne ivuga ko atakurikije amategeko.
Sánchez, uyoboye Catalan National Assembly (ANC), ishyaka rishyigikiye ukwigenga kwa Catalogne na Cuixart uyoboye Omnium Cultural bitabye urukiko rukuru rubarizwa mu mugi wa Madrid kuri uyu wa mbere.
Jordi Sánchez na Jordi Cuixart na barabazwa ku myigaragambyo yabaye ku itariki ya 20 z’ukwezi kwa cyenda aho uruvunganzoka rw’abantu rwugarije abashinzwe umutekano mu nzu i Barcelone mu murwa mukuru w’intara ya Catalogne.

PNG - 888.8 ko
Abantu bashyigikiye ubwigenge bw’intara ya Catalogne bari uruvunganzoka bumva ijambo ry’umuyobozi wabo Carles Puigdemont


Kubera iyo kamarampaka, Catalogne Carles Puigdemont uyoboye iyi ntara yashyize umukono ku itegeko ribaha ubwigenge ariko ahagarika ishyirwa mu bikorwa ryabwo kugira habanze habeho ibiganiro ku mpande zirebwa n’iki kibazo.
Carles Puigdemont yasabye ko habaho ibiganiro mu mezi abiri ari imbere ariko Leta ya Espagne yatangaje ko Catalogne itigenga ko ndetse bikomeje gutyo ishobora no kwakwa n’ubwigenge bwo kubarizwa mu mugi wa Madrid.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo