Atunze agatubutse ariko yabuze umusore umutereta

Umukobwa ukomoka mu gihugu cya Nigeria w’imyaka 36 y’amavuko (wiyise @NexxtGennskuri Instagram) nyuma yuko abonye imyaka imaze kumusiga nta musore uza kumutereta ngo nawe yubake urugo nk’abandi, yahisemo gushyira itangazo ku nkuta ze z’imbuga nkoranyambaga zitandukanye akoresha avuga ko ashaka umusore wamuha urukuko ngo cyane ko ku bijyanye n’amafaranga nta kibazo afite.

Muri iki gihe ntibikiri ibintu by’igitangaza kumva ngo umukobwa yitereteye umusore cyangwa ngo yamusabye ko amurongora bakabana bitewe n’aho isi igeze cyane bamwe bita igihe cy’iterambere ariko kirimo byinshi bigoye. Ni ibintu byabaye nk’ibisanzwe kuko uko bukeye nuko bwije henshi ku isi humvikana amakuru y’abakobwa bisabiye abasore ko babakunda cyangwa ko bakwambikana impeta.

Bamwe mu bakobwa b’inkwakuzi kuri ubu usanga bahitamo kwikoreshereza cyane cyane imbuga nkorannyambaga mu kwishakira abakunzi bashyiraho amatangazo y’abo bifuza dore ko ikoranabuhanga ryatumye isi ihinduka nk’umudugudu ku buryo bwira umuntu azengurutse isi yose yiyicariye mu rugo iwe cyangwa ari ahantu runaka.

Umukobwa wo mu gihugu cya Nigeria nawe ntiyatanzwe kuri iri koranabuhanga ryasakaye, yahisemo kutaripfusha ubusa akaribyaza umusaruro nawe rimufasha gushaka umukunzi. Uyu mukobwa nyuma yuko abonye ko ushobora gutunga amafaranga ariko yonyine ntaguhe ibyishimo udafite uwo muyasangira, byatumye ahitamo gushakisha umukunzi akoresheje imbuga nkoranyambaga.

Uyu mukobwa yivugira ko yahisemo gushaka umusore bambikana impeta nyuma yuko ategereje igihe kirekire agaheba n’uwamubaza izina dore ko agize imyaka 36 yose.

Kuri Twitter ye , uyu mukobwa yasabye umusore wese wakumva yamukunda ko yajya ashyira ifoto ye aho anyura amwandikira bityo nawe akabasha kumureba kugira ngo nawe amumenye bityo bamenyane.

Yongeyeho ko nyuma azafata umwanya nawe akareba mu bamushaka bose agahitamo uwo nawe yishimiye kurusha abandi bityo bagakundana urukundo rwa nyarwo dore ko we yishakira ufite gahunda bahita bambikana impeta.

Ku butumwa yanditse kuri Twitter ye yagize ati “nyuma y’igihe kinini ntabona umusore waza kuntereta, mpisemo kumenyesha umusore wese wumva yankunda kunyoherereza ifoto ye bityo twashimana tukikundanira bizira uburyarya. Niba wumva witeguye ko twahita dushyingirwa nyoherereza ifoto yawe n’imyirondoro nakubonaho. Nyuma nzatoranyamo umwe kandi aho azaba ari hose nta kibazo gewe nzaza kumwirebera kandi ntihazagire ugira ikibazo cy’amafaranga gewe ndayafite ahagije”.

Kuri ubu uyu mukobwa amaze kwandikirwa n’abasore benshi baturuka mu mpande z’isi zitandukanye bitegerejwe uwo azahitamo bakazahita bambikana impeta y’ubutazatandukana.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
kabera ernest Kuya 15-11-2017

sha nanjye ndumiwe kbsa !!!iyinkuru ntago yuzuye birutwa niyo ayireka

Josi Kuya 14-11-2017

Ese nkubu uba wunguye iki abantu ?,nta nizinarye utubwiye nta e-mail ye uduhaye nta number ye ngo natwe twigeragereze amahirwe,ibi birutwa nokutagira icyo wandika pe !!!!.

Didier Ricky Kuya 14-11-2017

Hello murahoneza amakuru yanyu kabisa nibyiza Nonese komutaduhaye adres twamubonaho muyiduhe thanks