Arabia Saudite: Hagarujwe akayabo ka Miliyari zisaga 106 z’amadolari

Leta ya Arabia Saudite iravuga ko yagaruje amafaranga arenga Miliyari 106 z’amadolari yari yarazimiriye muri ruswa.

Aya mafaranga yavuye mu bikomangoma, Abanyapolitike n’abandi banyemari b’abaherwe bari batawe muri yombi bagafungwa mu kwezi kwa cumi na kumwe.

PNG - 714.5 kb
Igikomangoma, Mohammed ben Salman, aherutse gutangiza gahunda nshya zo kurwanya ruswa.


Ingano y’amafaranga yose, irimo imitungo ndetse n’indi migabane y’imari.

Abari bafungiwe muri hoteli y’igitangaza I Riyadh bose barafunguwe uretse 60 muri bo.
Bafunzwe ku mabwiriza y’igikomangoma, Mohammed ben Salman, nyuma yo gutangiza gahunda nshya zo kurwanya ruswa mu gihugu.

PNG - 651.7 kb
Abo bantu bakomeye bari bafungiwe muri hoteli yitwa Ritz-Carlton iri i Riyadh

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo