Amerika yiteguye gufungira amazi n’umuriro udashyigikira Amerika ku cyemezo cya Yerusalemu

Mu kiganiro Perezida wa Leta Zunze Ubumwe za Amerika, Donald Trump yahaye abanyamakuru, yavuze ko uyu munsi nawe ubwe arakurikirana uko amatora ku mwanzuro wo kwemeza Yeruzalemu nk’umurwa mukuru w’igihugu cya Israel ari bugende mu Muryango w’Abibumbye kandi ko ibihugu bitarashyigikira Amerika bigomba guhagarikirwa inkunga byahabwaga.

Learn how to Thrive

Mu magambo ye Donald Trump yagize ati: “Tubaha za miliyoni nyinshi z’amadolari ngo muteze imbere ubukungu bwanyu none murashaka gutora ibinyuranye nibyo twifuza. Mubareke batore uko bashaka ariko ntituzongera kuyabaha kandi bizatuma twizigamira amafaranga menshi.”

Trump atangaje ibi nyuma y’uko ejo Ambasaderi Nikki Haley wa US muri mu muryango w’Abimbumbye yavuze ko igihugu cye kiri buze kureba abadatora bagishyigira kuri uriya mwanzuro hanyuma bakandikwa ahantu.

Abakurikirana uko ibintu biri kugenda muri iki gihe ku kibazo cya Israel na Palestine bavuga ko US iri gukoresha ingufu z’ifaranga kugira ngo ibihugu bize kuyishyigikira ku mwanzuro wayo.

Nada Tawfik, umwe mu basesenguzi kuri Politiki mpuzamahanga yabwiye BBC ko mu by’ukuri ibyo Trump avuga ari ugukanga amahanga kuko abo avuga ashobora guhagarikira inkunga nabo bafite icyo bamumariye mu ngufu afite ku isi.
Trump we yeruye, ati “abatadushyigikira turabafungira amazi n’umuriro ku nkunga zose twabahaga”.

PNG - 778.9 kb
Trump yavuze ko arikurikiranira uko amatora agenda muri UN


Umusesenguzi we yatanze urugero kuri Misiri, igihugu giterwa inkunga nini cyane mu bya gisirikare na US, ariko kikaba ari cyo cyatanze umushinga muri UN wo kurwanya icyemezo cya Washington.

Uyu musesenguzi akavuga ko Trump ahagaritse inkunga yateraga Leta ya Misiri nawe intege ze zagabanuka mu karere k’uburasirazuba bwo hagati ndetse no mu ntambara avuga arwana n’imitwe y’iterabwoba muri ako gace.

Ku wa gatatu tariki ya 06 Ukuboza 2017 nibwo Perezida wa Leta Zunze Ubumwe za Amerika (USA), Donald Trump, yatangaje ko igihugu cye cyemeje ku buryo budasubirwaho ko Yeruzalemu ari wo Murwa Mukuru wa Israel avuga ari intambwe itewe mu rugendo rugana ku mahoro mu Burasirazuba bwo hagati.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo