Umusirikare yarashwe inshuro 40 zose atorotse none ubuzima bwe buri mu marembera

Ni umusirikare wa Koreya ya Ruguru warashwe na bagenzi be bamurasiye ku mupaka utandukanya Koreya zombi. Uyu musirikari yarashwe atorotse avuye mu gace karinzwe cyane gatandukanya Koreya ya Ruguru n’iy’Epfo, yarashwe inshuro 40 zose kuko kuri ubu ubuzima bwe bugeze habi.

Nkuko Koreya y’Epfo yabitangaje, uwo musirikare yari acitse igisirikari cya Koreya Ya Ruguru ajya ku ruhande rw’icya Koreya y’Epfo ku birindiro bya Panmunjom ku munsi wa mbere.

Abaganga bakuye amasasu agera kuri 5 mu mubiri w’uyu musirikari ndetse banavuga ko hari n’andi menshi akimurimo bigoye kuyakuramo.

Uyu musirikari yarimo agendesha imodoka mu karere ibi bihugu byombi bigenzura kiswe "Joint Security Area" (JSA) nyuma aza kugenda n’amaguru kuko ipine rimwe ry’imodoka ye ryari rigize ikibazo aribwo yahise araswa.

Abasirikari ba Koreya ya Ruguru bamurashe inshuro 40 zose ariko ashobora kwiruka agana aho abamutoye bamusanze munsi y’ibyatsi.

Buri mwaka abantu bagera ku gihumbi (1000) bahungira muri Koreya y’Epfo bavuye muri Koreya ya Ruguru ariko ni bakeya babasha gutambuka mu karere kabujijwemo ibikorwa bya gisirikare Demilitarised Zone (DMZ), akarere ka mbere gacungiwe umutekano ku isi.

Koreya ya Ruguru n’iy’Epfo zisa n’izikiri mu mirwano ikomeye nubwo abantu benshi bemeza ko amahari y’ibi bihugu byombi yarangiye mu mwaka wa 1953 mu masezerano yo guhagarika intambara nubwo bitari bivuze ko amahoro ahita aboneka 100%.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo