Donald Trump ashobora gusohorwa muri White House niba atisubiyeho

Kuri uyu wa gatatu tariki ya 25 Ukwakira 2017, Perezida wa Leta Zunze Ubumwe za Amerika, Donald Trump yanenzwe bikomeye n’abasenateri babiri b’abarepubulikani bamuziza imyifatire ye mu miyoborere ye bo bita gusubiza Amerika inyuma mu gihe we yavuze ko babitewe n’uko batazongera kwiyamamariza kuba abasenateri kuko nta munyamerika n’umwe wabatora.

Uku guterana amagambo kuje nyuma y’uko Perezida Trump ku rukuta rwe rwa Twitter avuze ko Jeff Flake wo muri Leta ya Arizona na Bob Corker wo muri ya Tennesse muri iki gihe batagifite amajwi y’abanyamerika muri za Leta bakomokamo.

PNG - 484.7 ko
Perezida Donald Trump aterana amagambo n’abasenateri b’abarepublika

Perezida Trump yatangaje ko uretse abasenateri Flake na Corker, inama yagiranye na bamwe mu badepite b’abarepublikani mu ngoro y’Inteko Inshinga Amategeko yagenze neza. Trump avuga ko ibyatangajwe na senateri Flake avuga ko abandi basenateri bagaragaje impungenge mu miyoborere ye nta shingiro bifite.

Trump yavuze kandi ko abadepite b’abarepulbikani bari gukora akazi kabo neza batitanye ku magambo y’abakomeza kunenga aho gukora ibyo bashinzwe.

Tubibutse ko mu minsi ishize umwe mu banditsi wo muri Leta Zunze Ubumwe za Amerika witwa Larry Flynt wandika ku nkuru z’abantu bakuze cyangwa pornography yashyize hanze akayabo k’amafaranga ku muntu wese ushobora gutanga amakuru yakuza Donald Trump ku butegetsi akaba ari aha abantu bahera bavuga ko atorohewe muri White House.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo