Australia: Buri wese arakizwa n’amaguru nyuma yuko hadutse umugabo wirirwa abungana umuhoro

Ni mu mujyi wa Junee mu gace ka Riverina mu gihugu cya Australia aho kuri ubu umugabo utazwi yahangayikishije igihugu cyose nyuma yo kugaragara yirirwa abungana umuhoro mu mahoteri no mu mashuri amwe n’amwe byanatumye bamwe mu babyeyi bakura abana babo ku mashuri.

Learn how to Thrive

Ibi byatumye polisi y’iki gihugu ifata icyemezo cyo gufunga imwe mu mihanda yo mu mujyi wa Junee mu gace ka Riverina kugira ngo ibashe guhangana n’uyu mugabo wajujubije abantu ababuza kujya muri gahunda zabo.

Uyu mugabo nyuma yuko ageze muri imwe muri Hotel yo mu mugi wa Junee atwaye umupanga we, byatumye havuka impagarara zikomeye buri wese akizwa n’amaguru kuko bikekwa ko yaba ari umugizi wa nabi.

Nk’uko ikinyamakuru Nine News cyabyanditse, polisi ya Austarlia yagerageje guhangana n’uyu mugabo ariko habura ufata icyemezo cyo kwegera uyu mugabo ngo amwake uyu mupanga wateje impagarara mu gihugu cyose.

PNG - 979.9 kb
Mu mugi wa Junee imihanda yose ntikigendwa


Uyu mugabo abantu batangiye kumubona kuri uyu wa kabiri mu masaha ya saa yize z’igitondo. Uyu mugabo yagaragaye yambaye ipantaro ya Jeans na T-shirt yo mu ibara ry’umukara atemberana umupanga we mu ntoki mu mihanda itandukanye.

Kuri ubu igipolisi gikomeje gushaka uburyo bwose cyaganira n’uyu mugabo nubwo bitoroshye ngo cyane ko n’abagerageje banze kumwegera kugira ngo atagira uwo atemesha uwo mupanga.

PNG - 714.7 kb
Aha ni mugace kabarizwamo Hotel yagaragayeho uyu mugabo afite umupanga


Ibi kandi byatumye bamwe mu babyeyi barerera abana babo mu kigo cy’amashuri cya Junee Public School cyegeranye na Hotel yagaragayeho uyu mugabo bafata icyemezo cyo kuba bacyuye abana babo mu gihe igipolisi kigishakira umuti iki kibazo.

Kugeza ubu nubwo igipolisi gikomeje gushaka uburyo cyakwaka uyu mugabo uyu mupanga amahoro akongera kuboneka mu mugi wa Junee, ntibiramenyekana icyo uyu mugabo agambiriye ari nacyo cyateye abantu ubwoba bwinshi bakeka ko yaba ari umugizi wa nabi cyangwa akaba anakorana n’imwe mu mitwe y’iterabwoba idasiba kubuza amahoro henshi ku isi.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo